Unicode
Episode _ 18
မစောမူယာမှာ ကျုပ်ရဲ့စကားဆုံးသည်နှင့် ကျုပ်တို့အနားကနေ ခပ်သွက်သွက်လေးထွက်သွားသည်။
" တေလွန်း ..... "
" ပြော! "
ကျွန်တော် တေလွန်းရဲ့လုပ်ရပ်ကို အရမ်းဆွံ့အသွားတယ်။ ကျွန်တော့်ကို မိန်းကလေးတစ်ယောက်ရဲ့ရှေ့မှာ အခုလိုတရားဝင်ပေါ်ပေါ်ထင်ထင်မိတ်ဆက်ပေးလိမ့်မည်ဟု လုံးဝမထင်ထားခဲ့။ တေလွန်းကတော့ မစောမူယာထွက်သွားတော့လည်း အေးဆေးသာ။
" မင်း ဘယ်လိုမှမနေဘူးလား "
" ဘာကို ဘယ်လိုနေရမှာလဲ... "
" မဟုတ်ဘူးလေကွာ...၊ ဟို ငါပြောချင်တာက အခုလို ငါနဲ့အကြောင်းကို သူစိမ်းတွေရှေ့ထုတ်ပြောရတာ မင်း ဘာမှမခံစားရဘူးလား.... "
ကျွန်တော် သိချင်တဲ့မေးခွန်းကိုတိုက်ရိုက်မေးလိုက်တယ်။ ကျွန်တော့်စိတ်ထဲမှာ တေလွန်းရဲ့အခုလုပ်ရပ်ကို ကျေနပ်သလိုရှိနေပေမဲ့ နောက်ဆက်တွဲဖြစ်လာနိုင်တဲ့ကိစ္စတွေအပေါ် စိုးရိမ်စိတ်တွေလည်း ရှိနေတယ်။
" အင်း.. ခံစားရတာပေါ့ "
" ဟင် "
ကျုပ်ရဲ့အဖြေက သူထင်ထားသလိုမဟုတ်လို့ထင်တယ်.. ဆင်ပေါက်က ကျုပ်ကို နားမလည်သလို ကြည့်သည်။ ကျုပ်ရဲ့အဖြေကြောင့် ဆင်ပေါက် ခေါင်းရှုပ်သွားတယ်ထင်တယ်။
" ငါ ခံစားရတာက မင်းလို ဖြစ်မလာသေးတဲ့အနာဂတ်ကိုစိုးရိမ်ပူပန်နေတာမျိုးမဟုတ်ဘူး....၊ ငါ ခံစားရတာက မင်းကို ငါ့လက်တွဲဖော်လို့ထုတ်ပြောလိုက်ရတာကို ကျေနပ်နေတာ... ငါ့ကိုယ်ငါ ဂုဏ်ယူနေတာ... သိပြီလား "
ကျုပ် ဆင်ပေါက်ရဲ့မျက်လုံးတွေကိုကြည့်ပြီး ဘာကိုပြောချင်နေတာလဲဆိုတာကို နားလည်တယ်။ ဒါ့ကြောင့်လည်း ဒီလိုစကားကို တမင်ပြောလိုက်ခြင်းဖြစ်သည်။
" ဘာမှလျှောက်တွေးမနေနဲ့....၊ ကိုယ့်ဘဝအတွက်အရေးမပါတဲ့လူတွေ၊ ကိုယ်နဲ့မဆိုင်တဲ့သူစိမ်းတွေရဲ့စကားကိုနားထောင်ပြီး ဘာလို့စိတ်ဒုက္ခခံနေမှာလဲ....၊ ငါတို့ကိစ္စက ငါတို့မိဘတွေတောင် လိုက်လိုက်လျောလျောခွင့်ပြုထားတာလေ...၊ အရေးမပါတဲ့အခြားသူတွေရဲ့ပြစ်တင်ရှုံ့ချသံတွေ၊ လျစ်လျူရှုမှုတွေကို လိုက်ပြီးခံစားဖို့လိုသလား... ဟင် "
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
