ခြံရှေ့တွင် နာရီဝက်အကြာစဥ်းစားပြီးနောက် အိမ်ထဲသို့ ရောက်ရှိလာခဲ့သည်။ အိမ်ထဲဝင်တော့ မေမေလဲပြန်ရောက်နေ၍ ဧည့်ခန်းမှာ ထိုင်နေသည်ကိုတွေ့ရသည်။ မျက်လုံးကိုလှည့်ပတ်ကာ အနီးအနားတီတီ့အား ရှာပေမယ့်မတွေ့။
" ဘယ်တွေသွားနေတာလဲအကြင်နာ "
" အပြင်ခဏပါမေမေ။ တီတီကော။ "
" သူ့အခန်းထဲမှာလေ "
လှေကားပေါ်ကနေ တက်လာပြီးနောက် ဦးတည်ရာက တီတီရဲ့ အခန်းကိုသာ။ အခန်းရှေ့ရောက်သွားခဲ့ပေမယ့် ဝင်ဖို့ကိုတွန်းဆုတ်နေပြန်သည်။ တီတီ့အား စိတ်ဆိုးနေသော်လည်း ကိုယ့်အဒေါ်ကို ရိုင်းပြပြောဆိုမိတာတွေအတွက် တောင်းပန်ဖို့ ဝင်ကိုဝင်ရမည်။
* ဒေါက် ဒေါက် *
" ဝင်ခဲ့ "
နဂိုပြောနေကျလေသံနဲ့မဟုတ်တာကြောင့် ဝင်ဖို့ကိုတောင် တန့်သွားရသည်။ ဒီအသံအနေအထားဖြင့်ဆို တီတီဟာ အရမ်းစိတ်ဆိုးနေပုံရသည်။ သက်ပြင်းတစ်ချက်ချလိုက်ကာ အရဲစွန့်ပြီး တံခါးဖွင့်ကာဝင်လိုက်သည်။
အခန်းထဲရောက်တော့ အိပ်ရာပေါ်မှာထိုင်နေတဲ့ တီတီ့ကိုတွေ့ရသည်။ အကြင်နာ့ကိုလဲမြင်တာနှင့် တစ်ချက်ပဲကြည့်ကာ ဘာမှပြန်မပြောပေ။
" တီတီယမင်း ... အကြင်နာ မနက်ကိစ္စအတွက် တောင်းပန်ပါတယ် "
" ... "
ဘာမှပြန်မပြောသည့် တီတီ။ စကားလာဦးမလားဟု စောင့်နေသော်လည်း ဘာသံမှပြန်မလာတာနဲ့ အသံနဲနဲမြင့်ကာ ထပ်ခေါ်လိုက်သည်။
" တီတီ! .. "
" ပြောမှာကဒါပဲမဟုတ်လား။ ထပ်ပြီး ဘာမှပြောစရာမရှိတော့ရင် သွားတော့..."
ထိုသို့ပြောလိုက်ကော တီတီကြောင့် အံသြရသလို ဝမ်းလဲနည်းရသည်။ တစ်ခါမှတီတီဟာ အကြင်နာ့ကိုထိုလေသံမျိုးဖြင့် မပြောဖူးသေးခဲ့ပါ။ လွန်းကြောင့် အခြေနေတွေ ဒီလိုဖြစ်သွားတယ်ဆိုတာ တွေးရင်း ဒေါသထွက်လာသည်။ အကြင်နာလဲမနေချင်တာကြောင့်ပြောတဲ့အတိုင်းထွက်လာခဲ့လိုက်သည်။ အခန်းအပြင်ကိုထွက်လာပေမယ့် စိတ်ထဲကတော့ တီတီ့ကိုကျေနပ်နေခြင်းမရှိပဲ တီချယ် လာခေါ်ဖို့သာအမြန်ဆုတောင်းနေလိုက်သည်။
YOU ARE READING
ချစ်မိသွားချိန်၌
Non-Fictionသူငယ်ချင်းသဘောကျမိနေသော ဆရာမကိုအား ချစ်မိသွားချိန်၌။ အကြင်နာခွန်း × ပန်းခက်ဝါ