လွန်ခဲ့တဲ့ 5နှစ်ကို ပြန်သွားကြည့်လိုက်စမ်း ကလေးငယ်..
မင်းကို လက်လွှတ်ပေးလိုက်ရလို့ ပြိုလဲနေတဲ့ လူတစ်ယောက်ကိုတွေ့ရပါလိမ့်မယ်
ဘဝတွေစုတ်ပြတ်သပ်လုနီးပါးဖြစ်ခဲ့ရပြီးတာတောင် အရူးတပိုင်း မင်းကို ဆွဲထားချင်တဲ့လူတစ်ယောက်...
ပြီးတော့ မင်းသာ ကိုယ့်လက်ကို အမြဲဆွဲကိုင်ထားပေးမယ်ဆိုရင် သေလောက်အောင် တန်ဖိုးထားခဲ့ရတဲ့ အိမ်မက် ဆိုတာကြီးကိုလဲ စွန့်လွှတ်ဖို့ အဆင်သင့်ဖြစ်နေတဲ့လူတစ်ယောက်ကိုပေါ့ကလေးငယ်...
မင်း အဲဒီအချိန်က မတွေ့ခဲ့ဘူး။
ဘယ်တွေ့ခဲ့ရပါ့မလဲ မင်းက ကိုယ့်ကို မမြင်ချင်ယောင်ဆောင်ရုံမက ကျောခိုင်းသွားရလောက်တဲ့ထိ မုန်းသွားခဲ့တာဘဲ....။
~~~~~~~
"ကိုယ်တကယ်လုပ်ခဲ့တယ်လို့ကိုယ်ဖြေမယ်ဆိုရင်ကော မင်း ကိုယ့်အပေါ် ဘယ်လိုမြင်မှာလဲ သတင်းထောက်ဟန်"
အဖြေတို့လွတ်မသွားစေရန် ထိုမျက်ဝန်းဝိုင်းတွေထဲ ကင်ခ်ဂယူဘင်းက စူးစိုက်ကာကြည့်၍ မေးမိသည်။
"အရေးပါနေလို့လား?ဒါက.."
...
"ကျွန်တော့်အမြင်က ခင်ဗျားအတွက်အဲလောက်ထိ အရေးပါနေလို့လား ကင်ခ်ဂယူဘင်း "
ဟား.....
ဂယူဘင်း ဉီးခေါင်းအား မော့၍ သက်ပြင်းမောချလိုက်မိသည်။
ဟုတ်ပါရဲ့..
လက်ရှိတွင် ထိုကောင်လေးနှင့်သူဟာ တစိမ်းတွေဘဲလေ..။
ဘာကြောင့်များ ပေါက်တက်ကရတွေ
မေးနေမိပါလိမ့်။
