أظلمت السماء وبدأت تمطر قليلا ولكن شوقى لم يتحرك من أمام بيت رحمة, أراد أن يتكلم معها ويمنعها عن هذه الخطبة, امسك هاتفه وأرسل لها رسالة . لم تجيب فأرسل أخرى ولكنها أيضا لم تجيب فدق الأرض بقدمه بقوة وغضب...
عندما امطرت السماء أعطى هشام السيارة لحسن وذهب بيت رحمة فعلا ونزلت هى وفاطمة , كان شوقى فى مدخل البيت ,أمسكها من ذراعها فصرخت: إوعى سيبنى إنت مجنون...
فاطمة: أما إنت بجح بشكل..
شوقى: رايحة فين؟
إنت مالك؟؟ ليك عندى إيه؟
أنا خطيبك.
خطيبى منين؟؟ إحنا اللى بيننا إنتهى خلاص..
لسه منتهاش أنا بأحبك.
وانا بطلت احبك خلاص...
خلصت فاطمة ذراع رحمة منه وهى تقول: سيب دراعها أحسن لك ,وربنا أرقع بالصوت وألم عليك الشارع كله ..
ترك شوقى ذراع رحمة وقال: بلاش تعملى كده يارحمة.. علشان خاطرى بلاش...
نظرت له رحمة وتأثرت قليلا ولكنها قالت: فات الوقت خلاص إحنا رايحين نشترى الشبكة وهانلبسها الأسبوع الجاى...
شحب وجه شوقى وقالت فاطمة وهى تجذب رحمة من يدها: الراجل شارى بجد مش زيك..
خرجت رحمة مع فاطمة ,كان حسن ينتظرهم امام السيارة وإبتسم وهو يقول: إتأخرتو ليه يابنات؟
فاطمة: وقفت تتزوق قدام المراية ياسيدى.
نظر لها حسن نظرة حب جميلة جعلت قلبها يرتجف وقال: وهى رحمة محتاجة؟ دى زى القمر..
إبتسمت بخجل ونزلت فرحة من السيارة وقبلت رحمة وهى تقول: مبروك يارحمة ,أنا فرحة أخت حسن.
الله يبارك فيكى يافرحة.. عقبالك.
قريب قوى .,. أنا كمان عندى عريس بيحبنى وبأحبه ... بابا بس مستنى لما إنتو تلبسو الشبكة وبعدين انا وراكم على طول.. .
تغير وجه رحمة وتبادلت النظرات مع فاطمة التى قالت: انا فاطمة صاحبة رحمة...
إركبو بقى الشتا بيتقل وهانغرق..
فتح حسن الباب لرحمة تجلس بجواره ,ركبت وجلست فاطمة مع فرحة فى الخلف ونظرت رحمة بتوتر للبوابة ورأت شوقى يراقبهم ....
إشترت رحمة الشبكة وعادو لبيتها ليراها والدها الذى أبدى إعجابه بها وقال حسن: إن شاء الله أول ما اخويا ييجى هنزوركم..
وإحنا فى الانتظار....
هذه الليلة نامت رحمة فى حجرتها وقلبها ملئ بالمشاعر المتخبطة, حسن يحبها جدا وهذا واضع من عيونه ونظراته لها ومعاملته الجيدة. لم تعلم لماذا ترتجف من نظراته ويدق قلبها .. هل هو يعجبها فعلا؟ وماذا عن شوقى؟؟ إنها لازالت تفكر فيه بالرغم من ما حدث بينهما وشعرت بالشفقة ناحيته لابد أنه يتألم الآن لأنها خطبت لغيره , حركت رأسها بقوة وقالت: يتفلق... هو اللى سابنى .. شوقى ميستاهلش إنى افكر فيه لحظة واحدة....
ВИ ЧИТАЄТЕ
عشق وإنتقام .
Романтикаا احب من اجمل المشاعر التى تدخل القلب ولكن فى احيان كثيرة نعشق الشخص الخطأ وعندما يغر بنا ينجرح القلب وبالرغم من الألم والجرح لايجب ابدا ان نستغل شخص آخلا من اجل الانتقام لأننا فى هذه الحالة نقوم بنفس الفعل ولايخرج احد من هذا الانتقام سعيد أبدا.
