عندما يجلس الإنسان مع نفسه قليلا يبدأ فى التفكر وتقييم الأمور وهذا مافلعته رحمة فى أيام مرضها,, أصبحت اهدأ بكثير حتى نسيت غضبها من حسن فهو معذور, وفكرت ربما كل ماحدث خير لهما حتى تتأكد من قوة مشاعره حسن ناحيتها وقوة مشاعرها له,, فهمت غيرته عليها وسبب غضبه وبالتأكيد لن يكون شوقى فى حياتهم بعد الآن بأى صورة كانت وسوف تقنع حسن بحبها .. ,عندما إرتطبت بشوقى كان يشاغلها ويقول لها كلام معسول جعل قلبها يدق لأول مرة وظنت بأن هذا هو الحب وصدقت كل ماقاله حتى إكتشفت خيانته وطمعه بدأت تحلل شخصيته مرة اخرى وتفهم ماهى طبيعته,, لقد باع قلبه من اجل المال وضحى بها ولو انها لاتصدق بأنه احبها فعلا وعندما تفكر فيه الآن لاترى سوى شخص جشع عاشق للمال أما حسن فهو زوجها وحبيبها,, نهضت من السرير وبدأت فى تنظيف المنزل وستطهو الطعام حتى يعود حسن , رن جرس البا وفتحت رحمة وظهر امامها شوقى: إنت إتجننت جاى بيتى تعمل إيه؟
جيت اطمن عليكى يارحمة , لما قالو إنك عيانة عقلى شت منى ...
والله إنت لاعندك دم ولا إحساس... إمشى من هنا بسرعة ... قبل ماحد يشوفك..
إنتى بقيتى كويسة.. عمل فيكى حاجة الواد حسن.. ضربك...
هو إنت فاكر إن حسن زيك ؟ ماقلت لك حسن راجل.. راجل والراجل الصح عمره مايضرب ست...
نظر لها شوقى بحزن وقال: بقى جوزك بصحيح ... يعنى ...
قاطعته رحمة بقوة: أما إنت بجح قوى .. جاى علشان تسألنى ليه؟ إنت مش شفت بعينك...
كانت رحمة تقصد بأنه رأى قبلة حسن لها فى المطبخ يوم الزيارة فقال: وهان عليكى تدى له نفسك,
الله !! مش جوزى ,,
هان عليكى حبنا يارحمة..
حبنا ده إيه؟ إتكلم عن نفسك... أنا كنت عبيطة وإتغشيت فيك وإفتكرتك الراجل اللى اى بنت بتتمناه لحد ماقابلت حسن , ساعتها عرفت معنى الرجولة والحب والكرامة .. اللى معندكش منهم شوية بشلن...
كده برضه يارحمة؟؟
وأبو كده كمان ياللا غور ومعدتش تورينى وشك تانى لأحسن والنعمة أقول لجوزى وساعتها مش هايسيبك...
وقف شوقى بغضب وقال: لأ بقى هاتشوفينى كتير , خلاص هاتجوز فرحة و..
قاطعته رحمة بضحكة ساهرة وهى تقول: ده عشم إبليس فى الجنة...
توتر شوقى: يعنى إيه؟؟
يعنى محدش هايجوزهالك.... وبكرة تشوف..
عملتى إيه يابت؟؟
معملتش حاجة ولا كلمت حد بس انا مش هاخليك تتجوز فرحة أبدا مهما عملت ... ياللا غور بقى.
أغلقت رحمة الباب وقالت: إلهى تروح ماترجع , هو انا كنت عمياء وإلا إيه .. ده لاشكل ولاقيمة ولاحاجة أبدا.. والله البت فاطمة عندها حق...آه ياحسن لو تعرف بأحبك قد إيه؟؟
YOU ARE READING
عشق وإنتقام .
Romanceا احب من اجمل المشاعر التى تدخل القلب ولكن فى احيان كثيرة نعشق الشخص الخطأ وعندما يغر بنا ينجرح القلب وبالرغم من الألم والجرح لايجب ابدا ان نستغل شخص آخلا من اجل الانتقام لأننا فى هذه الحالة نقوم بنفس الفعل ولايخرج احد من هذا الانتقام سعيد أبدا.
