Old Love ( အရွယ်လွန် အချစ် )

Old Love-27

အရွယ်လွန်အချစ်💓
Old Love-27

ကမ်းခြေ၏  အလှက လိူင်းပုတ်သံထင်ပါရဲ့ ။

အမြဲတစေ တည်ငြိမ်ခြင်းမရှိသော လိူင်းပုတ်သံ တွေက နေ့နေ့ညည။

ကုန်းမြေပေါ်က လေတဟူးဟူး ကြောင့် အုန်းပင်တွေက ယိမ်းနွဲ့နေသည်။

တည်းခိုးခန်း အိပ်ခန်းဆောင်၏ ခန်းဆီး လိုက်ကာ များသည်လည်းလေ နှင့်အတူ လွှင့်ခါနေသည်။

အိပ်ရာကုတင်ပေါ်က  သူ့လက်မောင်းတွေကြားမှာ သူမကိုယ်ကလေး တွန့်လူး ပြီ

“ကိုမျိုး ..”
“ဗျ ..”
“လမ်းလျှောက်ထွက်ရအောင် ..”

သူမစကားသံ သူကြားသည်နှင့် အိပ်ရာပေါ်ကနေ ဝုန်းခနဲ့ ထရေချိုးခန်းထဲ အပြေး၀င် ရေချိုး ရိူးစမိုး ထုတ်သည်။

သူ့ကိုကြည့်ပြီ ခင်ခင်ကတော့ တဗျစ်တောက်တောက် အမေက သားကို ငေါက်သလို ဆူပူနေသည်။

“တော်တော်လှ ချင်နေ ..  အပြင်မှာ လေတဟူးဟူး နဲ့ဘယ်သူ့ကိုများ ရိူးပြချင်နေသလဲ မသိပါဘူးတော်တကတည်း ..

ဒီခေါင်းကို လျှော်လိုက်ရတာ အကြိမ်ကြိမ် ..
ဆံပင်အတိုမို့ တော်ခါကျတယ်.

ဒီနားလာခဲ့ ခေါင်းကို ရေပြောင်အောင် သုတ်ရအောင်..”

သူမ ၏ ပွစိပွစိ စကားသံများ ကြားရလျှင် သူကျေနပ်သည်။

သူ့ကို ခေါင်းအစ ခြေအဆုံး ကြည့်ပြီ
“ကိုမျိုး နော် .. သိပ်လှချင်မနေနဲ့ ကိုယ့်အသက်ကို လည်း သတိရအုံး ..”

“ခင်ခင်ကလည်းကွာ .. ကိုမျိုးနော် သိပ်လှချင်မနေနဲ့ မိန်းမရှိတာ သတိရအုံးလို့ ပြောမှပေါ့ ။

ဘယ်နှယ့် ဗျာ အသက်ကိုသွား သတိရခိုင်းနေ။

အသက်ဆိုတာ သတိမရကောင်းဘူး ။ မေ့ကောင်းတာ ဗျသိရဲ့လား ။ မေ့လေ ကောင်းလေ ပဲ ..”

သူက သူမမေဖျား ဆွဲယူ နမ်းရိူက်ပြီ ဖြေတော့ သူမက ထုံးစံအတိုင်းမျက်စောင်းကလေးထိုး သည်။

ထိုးနေသော မျက်စောင်းကလေးကို သူနမ်းပြီ သူ့မိန်းမ ၀တ်စားဆင်ယင်ပုံကို  ကြည့်သည်။