( Uni )
" Happy Birthday ယံယံ "
မနက် ခုနစ်နာရီခွဲရှိသေး ဉာဏ်တစ်ယောက် ယံယံ့အခန်းထဲရောက်လာပြီး မွေးနေ့ဆုတောင်းပေးပေမဲ့ အိပ်ရာပေါ်ကလူက တုတ်တုတ်မှတောင် မလှုပ်သေးပေ။
" ပိုင်ဇေယံ... ထတော့ "
" ဟာ ... ဘာလို့လဲ ... အစောကြီးရှိသေး... သူများအိပ်နေတာကို "
မျက်လုံးတွေဖွင့်မကြည့်ဘဲ အိပ်ချင်မူးတူးလေသံဖြင့် ညီးညီးညူညူပြောနေသည့် မွေးနေ့ရှင်ကိုဉာဏ် မရမက လှုပ်နှိုးလိုက်ပြီး
" ထပါဆို... ဒီနေ့ မင်းမွေးနေ့လေ "
" ငါ့မွေးနေ့လဲ တစ်နေ့လုံး အချိန်ရသေးတာပဲ... ပြီးတော့ ငါက ညမှမွေးတာတဲ့... အဲဒါမို့ အခုအိပ်ဦးမယ် "
" ဘာနေနေကွာ... ထပါဆို ပိုင်ဇေယံ... ငါတောင် ထလာသေးတာကို မင်းက "
" လာ မင်းလဲ ခဏပြန်အိပ် "
သူ့ကိုပါ ပြန်အိပ်ခိုင်းနေသူကို လက်မောင်းကနေ အတင်းဆွဲထူပြီး မျက်လုံးနှစ်ဖက်ကိုပါ သူ့လက်ဖြင့် အတင်းဖြဲဖွင့်လိုက်သည်။
" မအိပ်နဲ့တော့လို့ ကောင်လေး... ပြောရဆိုရ မခက်စမ်းနဲ့ "
နောက်ဆုံးတော့ ဆက်အိပ်လို့လည်း မရတော့သည့်အတူတူ ယံယံ လက်လျှော့လိုက်ရတော့သည်။
" ငါ့ကို ဘာလက်ဆောင်ပေးမှာလဲ "
" သိချင်ရင် ရေမြန်မြန်ချိုး ... အရင်ဆုံး ငါ မင်းနဲ့သွားချင်တဲ့နေရာ ရှိတယ် လုပ် "
" ဘယ်သွားမှာလဲ "
" ဘုရားကြီး "
" ဟွန့်.... ဘယ်ပါလိမ့်လို့... မရောက်ဖူးတာလဲ မဟုတ်ဘဲနဲ့ "
" မွေးနေ့ပါဆို ဘုရားအရင်သွားရမှာပေါ့ ...လုပ်လုပ် .. ရေမြန်မြန်ချိုးပြီး မြန်မြန်ဆင်းလာခဲ့.... ငါ အောက်ထပ်က စောင့်မယ် "
အန်တီသီတာပြင်ပေးသည့် ကော်ဖီနှင့် ပေါင်မုန့်မီးကင်ကိုစားပြီး ဉာဏ်ထိုင်စောင့်နေရင်း မိနစ်နှစ်ဆယ်လောက်နေတော့ ယံယံလည်း ဆင်းလာသည်။
" Happy Birthday မေ့သားလေး... ကော်ဖီသောက်သွားဦး "
" မသောက်တော့ဘူး ... ဉာဏ် မင်း ငါ့ကို လမ်းကျ မုန့်ဝယ်ကျွေးရမှာနော် ... အစောကြီးလာနှိုးပြီး "
YOU ARE READING
My Youth Was Yours ( Completed )
General Fictionဉာဏ်လင်းထင် × ပိုင်ဇေယံ သူငယ်ချင်းမဖြစ်ချင်ဘူးဆိုရာကနေ သူငယ်ချင်းဖြစ်သွားကြတဲ့ကောင်လေးနှစ်ယောက်ရဲ့ ဇာတ်လမ်းလေးတစ်ပုဒ် ^^
