[Unicode]Part 26
_______________
ဂယန်းဟိုတောင်ထိပ် ကင်းစောင့်တပ်(ကင်းမျှော်စင်အမှတ်တစ်)။
"သတင်းပို့...."
သံရှည်ဆွဲကာအော်လိုက်သော ကျယ်လောင်သည့်အသံက မြူရိပ်တို့ကြားအိပ်ပျော်နေသည့် ခပ်မှိုင်းမှိုင်းတောအုပ်အားလှုပ်နိုးလိုက်သလိုထင်မှတ်ရသည် ။ကျော၌ ချီနိုင်ငံ၏အမှတ်အသားဖြစ်သည့် နဂါးအလံကိုချပ်လျက် တပ်မှုးထံဒူးထောက်ခစားသော ရှေ့တော်ပြေးတပ်သား။
"ဧကရာဇ်ဂျွန်ဦးဆောင်တဲ့ တော်ဝင် စစ်တပ် စစ်ကြောင်းသုံး...မွန်ဟန်းမြို့ကိုရောက်ရှိနေပါပြီ....ကိုယ်ရံတော်တပ်မှုးလီဦးဆောင်တဲ့ ကိုယ်ရံတော်စစ်တပ်ကတော့ ဒုံမန်းကိုဆက်လက်ချီတက်သွားပါတယ်"
"ကောင်းပြီ...တာဝန်ကျေတယ်..."
ကင်းစောင့်တပ်မှုးကထိုသို့ပြောပြီး အနားရှိ တပ်သားအား လက်ဖြင့်အချက်ပြလိုက်သည်နှင့် ကင်းမျှော်စင်အနားသို့ပြေးသွားကာ ချိတ်ဆွဲထားသည့် သံချောင်းအားခေါက်လိုက်သည်။
ထိုမှတစ်ပြိုင်နက် ကင်းမျှော်စင်ပေါ်ရှိ ကင်းစောင့်တပ်သားက ကျွဲဂျိုမှုတ်ကာ အခြားသော ကင်းမျှော်စင်များထံ အချက်ပေးတော့၏။
ဒါဟာ ဧကရာဇ်ရဲ့လျှို့ဝှက်အမိန့်တော်အား လိုက်နာရန်အစည်းအဝေးထိုင်ဖို့အချိန်ကျရောက်လေပြီဖြစ်ကြောင်းကို နှိုးဆော်လိုက်ခြင်း။______________________________
ငြိမ်းချမ်းနယ်မြေ( မွန်ဟန်းမြို့)
ဘယ်နေရာကိုကြည့်ကြည့် စားပင်သောက်ပင်များသာပြည့်နှက်နေပြီး လူနေနည်းပါးသည့် မွန်ဟန်းက မြို့၏ ဂုဏ်အဂ်ါနှင့်မညီညွှတ်သော်လည်း ချီအင်ပါယာထဲမှာတော့ မြို့တစ်ခုအဖြစ်သတ်မှတ်ခံထားရသည်။
သာသနာ့နယ်မြေပေါများလွန်းသည့် မွန်ဟန်းဟာ တော်ဝင်စစ်တပ်အတွက် ခရီးတစ်ထောက်နားဖို့နေရာကောင်းတော့ဖြစ်မနေ။ ထို့အပြင်မွန်ဟန်းသည် ငြိမ်းချမ်းနယ်မြေတစ်ခုမဟုတ်ပါလား။ ငြိမ်းချမ်းနယ်မြေ၌ စစ်တပ်တစ်ခုလုံး တပ်စွဲကာအနားယူရခြင်းအပေါ် မွန်ဟန်းရှိပြည်သူများအား အရှင်ဂျွန်အားနာလှသည်။
YOU ARE READING
The Love Sleeping Under The Moonlight
Fanfiction[𝚄𝚗𝚒+𝚉𝚊𝚠] ရန်သူ့ဓားလက်နက်အောက်မှာကျရှုံးရခြင်းထက် ရန်သူ့ချစ်ခြင်းမေတ္တာအောက်မှာကျရှုံးရခြင်းဟာ ရှက်ဖွယ်ကောင်းသောကျရှုံးမှုတစ်ခု။ ရန္သူ႔ဓားလက္နက္ေအာက္မွာက်ရႈံးရျခင္းထက္ ရန္သူ႔ခ်စ္ျခင္းေမတၱာေအာက္မွာက်ရႈံးရျခင္းဟာ ရွက္ဖြယ္ေကာင္းေသာက်ရႈံးမႈတစ္...