[Unicode]"အရှင်မင်းကြီးကိုလျှောက်တင်ပါတယ်။အိမ်ရှေ့မင်းသားက စုန့်ပြည်ရဲ့တော်ဝင်ကချေသည်ကို ကိုယ်လုပ်တော်အဖြစ်သိမ်းပိုက်လိုက်ကြောင်း အမှာစကားပါးလိုက်ပါတယ်"
"ဘာ"
ထိုင်နေရာမှ ထိတ်လန့်တကြားထရပ်ကာအော်သည့်မင်ဘုရင်ကြောင့် မင်းသားငယ်ဆောင်းဟွန်း သွေးပင်ထိုးတက်ချင်သွားသည်။
အကိုတော်ကတော့ပြဿနာအကြီးကြီးတစ်ခုကိုရှာလိုက်ပြီ။ညီလာခံ၌လည်း လှုပ်လှုပ်ရွရွဖြစ်နေကြပြီမို့ သူမနဲရှောင်ထွက်ကာ မင်ဘုရင်ရှိရာဧည့်ဆောင်သို့ရောက်လာခြင်း။
"ကိုယ်တော့်ကိုလာကြိုတဲ့တပ်...ဘယ်အချိန်ရောက်မယ်တဲ့လဲ ကိုယ်ရံတော်မို"
"မွန်းတည့်လောက်ရောက်ပါမယ်တဲ့အရှင်"
"တောက်စ်!...စုန့်ကိုမပြန်ခင် တစ်ပွဲလောက်နွဲကြရသေးတာပေါ့"
မင်ဘုရင်၏မျက်ဝန်းအိမ်ကျဉ်းကျဉ်းသည် ဒေါသကြောင့် ရဲရဲနီနေလျက်။
____________________________
.
.
.
.
'ဒုန်း!...ဒုန်း...ဒုန်း...ဒုန်း...ဒုန်း...'
ချီနန်းတော်တစ်ခုလုံးကိုလှုပ်ရှားသွားစေခဲ့သည့်စည်တီးသံ။ထိုစည်သံထွက်ပေါ်လာရသည့်အကြောင်းအရင်းကား အိမ်ရှေ့မင်း၏နန်းဆောင်အတွင်းမှဖြစ်သည်။
နန်းဆောင်ဧည့်ခန်း၌ ဒူးထောက်ကာထိုင်နေသည့်စုန့်ပြည်၏အမျိုးသားကချေသည်။ မလှုပ်မယှက်ဖြင့်ကျောက်ရုပ်ကဲ့သို့ထိုင်နေသည့်သူ့လည်ပင်းထက် ဓားဖြင့်ချိန်ရွယ်ထားသူကား မင်းသားဂျွန်။
ငြိမ်သက်နေသည့်နားဆောင်ထဲသို့ဝင်ရောက်လာသည့်ခြေသံဖွဖွ။ဧည့်ခန်းထဲသို့အရောက် မင်းသားဂျွန်ဘက်ဂါရဝပြုလိုက်ကာ...
"အိမ်ရှေ့မင်းသား...မင်ဘုရင်လာနေပါပြီ"
ထီမထင်သည့်မဲ့ပြုံးတစ်ခု။ကြမ်းပြင်ပေါ်မှအပြာရောင်ငယ်ရဲ့မျက်ဝန်းများအရောင်လဲ့သွားသည်ကိုတွေ့လိုက်ရသည်။မင်ဘုရင်အား ထိုလောက်အထိအားကိုးအားထားပြုသည်လား။
"မျှော်လင့်ချက်တွေမထားစမ်းနဲ့အပြာရောင်ငယ်...မင်ဘုရင်က မင်းကိုအသေခံမှာမဟုတ်ဘူး...ကိုယ်တော့်ဆီမှာ မင်းကိုအသက်ရှင်လျက်ထားခဲ့ပြီး စုန့်ပြည်ကိုပြန်သွားမှာ"
YOU ARE READING
The Love Sleeping Under The Moonlight
Fanfiction[𝚄𝚗𝚒+𝚉𝚊𝚠] ရန်သူ့ဓားလက်နက်အောက်မှာကျရှုံးရခြင်းထက် ရန်သူ့ချစ်ခြင်းမေတ္တာအောက်မှာကျရှုံးရခြင်းဟာ ရှက်ဖွယ်ကောင်းသောကျရှုံးမှုတစ်ခု။ ရန္သူ႔ဓားလက္နက္ေအာက္မွာက်ရႈံးရျခင္းထက္ ရန္သူ႔ခ်စ္ျခင္းေမတၱာေအာက္မွာက်ရႈံးရျခင္းဟာ ရွက္ဖြယ္ေကာင္းေသာက်ရႈံးမႈတစ္...
