أنفال (باللهجة العراقية)

هلاو بنات

اريد احجيلكم شي مهم مو متعلق بالقصه بس عن تجربة حبيت اشاركها وياكم

بنات قبل شكم يوم صارت مشاكل بخصوص خطوبتنا والله اني أيقنت خلاص كلشي انفسخ الزواج و الخطوبة مستحيل نرجع لان ابوي جان هواي معصب لهيج حتى البارت ما كدرت اكتبة بنات والله من صارت صلاة الضهر و اني اصلي من قهري الله ذب شكو دموع بعيني شكيت همي لرب العالمين و اني ابجي و أشهك والله صار العصر خطيبي دك عليه و كال حلينا المشكلة و بليل نجي نحدد المهر و يوم الخطوبة و صار الليل و تم كلشي

اني ليش حجيت الكم حتى إذا لا سمح الله عندك هم أو ضيق بصدرج لا تشكي للناس كعدي على السجادة و احجي لربج هو يحل كل العقد والله جنت اكول خلاص بعد ماكو شي يجمعنا بس سبحان مغير الاحوال

والله بس هيج

بنسبة للبارت لازم تنطوني مجال والله ما عندي مجال و يجوز انتم هم تمتحنن ف اشوف ومجالي و اكتب

في امان الله