بســم اللـــــه الرحمـــٰــن الرحيــم
المغوار "أحفاد الدرباس"
بقلمي انـا : مريــ۾
_____________________
حرير
_گالت اسمة وابتسمت وطلعت واني بقييت اباوع للغرفة بتوتر
صرت اتفتل بالغرقة باوعت لروحي بالمرايا ونزلوا دموعي لمجنون مزوجين بتهم ،لمجنون ؟!!يعني هيح وصلت بيهم يذبوني هاي الذبة آخخ يا كسرتي
گعدت بالارض جوة الجرباية وبقيت ابجي بصمت ع حالتي سمعت صوت مشي ع الدرج مسحت دموعي ورتبت روحي وانفتح الباب..
دخل باوعلي وابتسم لي بطفوبة وشال ايدة فرك شعرة وسد الباب ، نزع حذائة وشمرة باهمال بالارض ونزع السترة وخلاها ؏ الجرباية هي والربطة وفتح اول ٣ ازرار قميصة
چنت گاعدة بالكاع واباوعلة ولمن يبتسم لي ارجعلة الابتسامة لان بالنهاية هو مالة ذنب وكلشي يسوي بطفولة حتى مشيتهة وگانه طفل اول مرة يتعلم يمشي
شغل التلفزيون ؏ توم وجيري وفتح الثلاجة طلع اجباس وعصاير ونساتل وگعد بالارض وأنتگأ ؏ الجرباية وخلاهم مقابليلة وبدأ ياكل ويباوع ويضحك مثل الاطفال؟!
_نزلوا دموعي وگمت لگيت باب بالغرفة فتحتهة لگيتة حمام دخلت بي ونزعت ملابسي وفتحت الدوش وگعدت جوا وبقيت ابجي واندب بحضي وحالتي
بقيت جوة المي لفترة حيل طويلة الى ان حسيت دموعي خلصوا نشفت نفسي ولبست تراگ بيت انطتنيا بيارق لبستة جان ؏ قياسي وطلعت
لگيتة غافي وهو گاعد والحلويات بايدة والتفزيون باقي مشتغل طفيت التلفزيون وتقربت منة شلت الحلويات من ايدة وجبت مخاد خليتهم بالارض وطيحت حسمة ونومتة ع المخاد حتى ينام وغطيتة بـ بطانية لان جانت الغرفة حيل باردة
طفيت الضوة وگعدت ؏ الجرباية وانتكأت عليهة وبقيت افكر بمصيري المجهول؟
شنو ذنبي ؟
وليش؟
تعبت من التفكير والدمع ونمت واني گاعدة فزيت ؏ طرقات الباب كمت بسرعة مسحت عيوني وفتحتة شفتهة بيارق ولازمة صينية
بيارق بابتسامة : صباح الخير يوجه الخير
حرير : صباح النور عمري
بيارق : هسة حيجي سلطان ياخذ فرزدق حتى يهتم بيي وجبتلج ريوگ عمري
حرير : شكرا كلبي ما تقصرين
_خلت الصينية واني رحت غسلت وجهي بالحمام وطلعت واجة سلطان واجة ورا اخوهم بدر سلموا ثنينهم :- صباح الخير
أنت تقرأ
المغُوار "أحفاد الدُرباس"
General Fictionالمغوار "احفاد الدرباس" بقلمي انــــــا مريـــــــ۾ ___________________ _قارورة صغيرة _مغوار شُجاع شاء القدر على ان يلتقوا في ضروف الغش والخداع بسبب غل وحقد هؤلاء ! القارورة كُسرت .. خُذلت.. المغوار اصر على اخذ الثأر سنرى في الرواية هذه "الانكسار م...
