المغُوار "أحفاد الدُرباس"

البارت السابع⁷

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريا
__________________

حرير

_فتحت الباب وجان انصدم بالي اشوفة گدامي؟!
جدو الدرباس گاعد ؏ الكرسي بكل هيبة مقابيل المديرة وعصايتة لازمهة ومتكأ عليها ، ويسولفون

لمن انتبهوا علي دخلت جدو الدرباس باوعلي وابتسم،والمديرة بقت تباوعلي الى ان تقربت يمهم.كلش اشرلي جدو اگعد يمة گعدت

المديرة : هذي حَرير؟

الدرباس : نعم ، هاي حفديتي حرير

المدريرة : ما شاء الله من ناحية المضهر ما مخالفة الزي مثل باقي البنات او مخلية مكياج، وتدلل هسة اسئلك عليها المدرسات عن مستواها العلمي

الدرباس : شكرا ،ممنون منج ست

_ابتسمتلة المديرة وصاحت للمعاونة والمعاونة اخذتني وفرتني ؏ المدرسات كلهم.گالوا مستواهة زين وشاطرة ومؤدبة

المعاونة : ما شاء الله حرير اخلاق وشطارة ونضافة كل المدرسات مدحوها ومن ناحية مستواها العلمي حيل شاطرة ،بس شتقربك؟

الدرباس : شكرا ست تعبناج، تصيير حفيدتي

المعاونة : الله يحفظهة الك

_ابتسم الها بامتنان وراحت وهوَ سالني عن الامتحان اذا مجاوبة وانطاني مصرف وراح ، واني عيوني تطلع قلوب من ورة حنيتة وشلون اجة ورفع راسي واهتم بية اول مرة هيج انسان يهتم بدراستي اول مرة شخص يجي وراي للمدرسة ويسأل عني وشعور حيلل حلو واول.مرة احس بي

رجعت الصفي وبقينة ناخذ دروس الى ان صارت حلة كالعادة ياخذنة ويرجعنة سلطان . دخلت للغرفة لگييت فرزدق گاعد ؏ كارتون وياكل رحت سبحت ولبست ملابس بييت ومشطت وفتحت جنطتي وطلعتلة الحلويات الي جبتهم الة..

حرير : فستق شوف شنو جبتلك

فرزدق : هييييي، شكرا شكرا عروسة

_ابتسمتلة وبقينة ناكل سوة ونباوع كارتون ونضحك وناكل فتحت تلفوني وصرت اخذلة صور وهو يسوي حركات اطفال ويضحك لو اصور فديوهات سوية اني ويا ونسولف حبييت اوثق ذكرى ويا...

صار المغرب والدرباس هيج وقت يروح للجامع يصلي واحنهة نصلي ونسوي عشة حتى لمن يرجع من الجامع نتعشى سوية

دخلت للمطبخ جاي اطبخ عشة دخلت ام فرزدق المسمومة ، دفعتني وباوعتلي عاوجة حلگها وگالت..

ام فرزدق : الثولل وجه الفگر، بت ابو المصايب

_باوعتلها بـ برود وما ردييت عليها وهي شعوطت صارت تحيير شتحجي بس اني متجاهلتها ومنطيتهة الاذن الطرشة خزرتني وطلعت