المغُوار "أحفاد الدُرباس"

البارت الواحد والعشرون²¹

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

______________________

حـ‌َـرير

_ طلعت من الحمام بعد ما كملت سبح ومشطت شعري وتعطرت رتبت الغرفة وعطرتهة جبت كتب الساسد خليتهم بالارض  والايباد مقابيلي وجبت حلويات وعصاير وبقيت اگلب بتفوني انتظر الفَـرزدق

قبل ايام جاب كتب الساس علمي وقدم خارجي وجاي نبدي ندرس اني ادرس الصبح والضهر وباليل وهو بس باليل ندرس وية اني ويا لان هو ملا بالسغل فـ ما يلحگ بس ما شاء الله بسرعة يحفظ ويستوعب المعلومة عكسي تماماً

بدر خلص جامعة وصار خريج صديلة، اما بيارق وروز فـ صاروا مرحلة ثانية ، اني والفرزدق الكل فرخلن بينة وبقرارنة لان الفرزدق قدم خارجي خصوصا الدرباس

ام فرزدق بعدهي تهدد وتضرب وتحذر واني الحمدالله حذرة من نايحة الفرزدق لصالحة وتلمصحلتي لا اعلقة بيَ ولا اني اتلعلق بي حتى بس يصير عمري 18 اطلب الطلاق واعتمد ؏ نفسي..

انفتح الباب ودخل هو ابتسم لي من شافني كالعادة گاعدة انتظرة حتى  ندرس سوية اخذ ملابسة وراح سبح ونشف شعرة وشرب ماي من الثلاجة واجة گعديمي

حَـرير : تأخرت؟!

الفَـرزدق : اي شسوي غير شغل هواي

حَـرير : حاول لا تتاخر لان انت تدرس بس بليل حتى بعدين لمن اطلع معدل اعلى منك ما تگول انتِ لان تدرسيين اكثر مني!

الفَـرزدق : هههههه صار ، يلا شنو ندرس؟

_طلعت الكتاب الي ندرس بي وهو فتح محاضرة ؏ الايباد باليوتيوب وصرنة ثنينا نستنع ونكتب وندرس واني ما اعرف ادرس بدون ما اكل وهو بس يشرب عصير

تعبنا وطاح حظنة وعيونة راحت من الدراسة للـ ١١:٣٠ يلا سدينا الكتب ونظفنة الغرفة وردنة انام اني بس ادرس واشتغل شغل البيت قليل مو هواي واتعب خطية هو شلون؟

يشتغل النهار كلا وبليل يدرس خطية حتى هالات سوداء طالعلة ويتعب لعد هاي عطلة وهيج لو اجة الدوام شلون؟!!

تمددنا ؏ السرير وطفى هوَ الضوة وبقيت صافنة ؏ السگف هاي الفترة صايرة علاقتنة حيل رسمية بسبب تصرفاتي الي سببهن ام فرزدق الحية

ما اجالي نوم سحبت التلفون بقيت اتصفح بي سحبة مني التفتت علي خازرتة ومديت ايدي حتى يرجعة