المغُوار "أحفاد الدُرباس"

البارت السادس والعشرون ²⁶

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : ماريا

ضيفوا حسابي الواتباد لـطفاً..
لا تنسوون التصويت والتعليق بين الفقرات.

ــــــــــــــــــــــــــــــــــــــــــــــــــــــــــــــ

حــريـࢪ

بيـارق : احسج تسرعتي بقرارج

افنان : رب لتسرعتي حرير

حـرير : هوَ ضغط علي وصار يلح يعني شنو اگلة ابقى ساكتة ؟!!

افنان : مو تسكتين لا، بس يعني ؏ الاقل گليلة حبيبي هسة اني دا امر بفترة صعبة اعذرني ولا تبتعد ابقى وياي احتاجك ، ومن هالحجي ترى الرجال ينضحك علي بحجايتيين

حرير : ما اعرف والله اني ما اعرف نفسي شرايدة

روز : حقج السادس يخبل، بس هم مو هيج

بيـارق : بنات لا تلوموها ترى مرات الانسان يكبت يكبت بداخلة لمن يحس يريد ينفجر يگوم ما يعرف يتصرف ويطلع كبتانة ؏ شكل ما يعرف يتصرف ويبقى يمسلت

افنان : انتِ تدافعيلها لان مثل حالتج

بيـارق : مو بس هيج ترى الي صار ويَ حرير مو شوية والله اني شاهدة ع معاناتها من اجتي لهذا اليوم

_ ابتسمتلها بامتنان وخليت راسي ع كتفهة، سندت راسها علي وطبطبت ؏ ايدي

بيـارق : بس بنفس الوقت اخوي يحبج وهايم بيج صدكيني وبعملتج هاي كسرتي

حـرير : ولج ادري والله وگلبي هيج يتكطع تگطع علي

بيـارق : تدرين لمن گعدتي من الغيبوبة جان كلامكم وي بعض يخبل وكلا مشاعر ، خو كلام فرزدق الج صدگيني ما اگدر اوصفة هيج هيج طالع من گل كلبة

لو لمن يگلج مثل سر البيوت بگلبي ضميتج. يوصف حبة الج بكلام يجنن والله اني من يمي سحت ، انوب انتِ گلتيلة خاف تعوفني وتعيش بعيد عني تدريين شگال؟

حـرير : شگال؟

بيـارق : يگلج انـه اباوعلج واعيش .

افنان : اويليي وهسة انت تردين تبتعدين يعني هو ما يعيش بعد.

بيـارق : اسم الله شبيج ثول ههه

_ نزلوا دموعي واحتقرت نفسي وكرهتها ، احداث حياتي تمر علي مثل الشريط گدام عيني  الذكريات السيئة والماضي التعيس، مسحت دموعي ورصيت ع عيوني ماريد اتذكرهم..