Monstrous Academy 1: Gangster's love. [PUBLISHED UNDER PSICOM]

Chapter Forty

40: Bottle
-

Wala na talaga akong idea kung ano pa ang dapat kong gawin. Tinawagan ko si Zea ngunit hindi ako mahanap ng tamang salita na pwedeng sabihin sa kanya. Blanko ang isipan ko at tanging paghikbi lang ang tanging nagawa.

Lumipas ang oras at hindi ko na nagawang bumalik sa klase. Nanatili na lamang ako sa rooftop, tahimik akong nakaupo at sinusubukang wag isipin ang problema. Papikit na sana ako nang maramdaman kong may dumating.

“Nandito ka lang pala.” Hingal na hingal na sabi ni Jiro nang maupo ito sa harapan ko para magtama ang paningin namin.

“Jiro.” Iyon lang ang lumabas sa bibig ko bago niya ako tapik-tapikin ng marahan sa ulo habang nakangiti.

“Iiyak mo lang ‘yan.” Sabi niya kaya kahit pagod na sa pag-iyak ay tumulo na naman ang luha ko. Okay na rin siguro ito, kailangan ko talagang ilabas ang lahat ng sakit hanggang sa wala nang luha ang lumabas sa mga mata ko.

Hinimas himas niya ang likuran ko at maya-maya lang ay huminto na rin ako. Naupo siya sa tabi ko at panandalian kaming natahimik. Kahit hindi niya sabihin ay alam kong pinapunta siya rito ni Zea.

“Okay lang ba na ikwento mo ang mga nangyari?” Tanong niya kaya naman napalingon ako sa kanya.

Matutulungan niya kaya ako sa problema ko once na malaman niya? Wala naman sigurong mawawala kung susubukan ko kaya ikwinento ko sa kanya lahat, iyong mga sinabi sa akin ng papa niya mula sa kasal nila ni Zea pati noong nasa sa hospital.

Halata sa reaksyon niyang hindi siya makapaniwala na magagawa iyon ng daddy niya pero mas hindi siya makapaniwala sa ginawa ni Thunder nang ikwento ko rin sa kanya kung paano kami naghiwalay.

“I will talk to dad.” Sabi niya at bigla na lang siyang tumayo. Napatingala lang ako sa kanya, wala na rin naman magagawa iyon dahil wala na kami ni Thunder. Magbago man ang isip ng daddy niya, hindi iyon kasiguraduhan na magkaka-ayos kami ni Thunder.

ㅡ

Isang araw ang lumipas, saturday na bukas. Hindi pumasok si Thunder at Axel, tanging si Matthew at Jasper lang ang narito. And as expected, mabilis kumalat ang nangyari sa amin ni Thunder.

Sinubukan akong i-comfort nila Emerald at Tymee kahapon sa girl’s dorm ngunit gano’n pa rin. Nasasaktan pa rin ako sa paghihiwalay namin ni Thunder.

“Cutie pie.” Tawag ni Matt, dahilan para mapatingin ako sa kanya. Ang tagal na rin niya akong hindi tinatawag na gano’n. Malamang pag narinig siya ni Tymee ay malalagas na naman ang buhok niya dahil sa matatamo niyang sabunot.

“Gwiyomi gigigwiyomi.”

Napangiti ako nang gawin niya iyon. Na-appreciate ko na gusto nila ako i-cheer up at kahit papaano ay umeepekto naman iyon, mabuti na lang at wala kaming prof ngayon.