Monstrous Academy 1: Gangster's love. [PUBLISHED UNDER PSICOM]

Epilogue

Epilogue
-

Malapit ko nang marating ang kinarorooanan ni Yb ngunit isang kalabog ang pumaalinlang sa apat na sulok ng kwarto. Sa isang iglap ay tumumba si Yb dahil sa pagbato sa kanya ni Thunder.

Kinuha ko na ang pagkakataong iyon para kunin si Erin, kasabay noon ay ang pag-abot sa akin ni Thunder ng hawak niyang shotgun.

“Ilabas mo na si Erin.” Bilin ko at mabilis niya akong hinalikan sa labi bago lumabas kasama si Erin na ngayon ay hindi pa rin tumitigil sa pag-iyak.

Nang tuluyan silang makalabas ay nilingon ko si Yb. Nakita kong inaabot nito ang baril niya na tumalsik kanina.

“Isang maling galaw Yb. Kakalat ‘yang utak mo rito.” Banta ko nang itutok ko sa kanya ang baril na ibinigay sa akin ni Thunder.

Mabilis siyang humarap sa akin at bago pa niya makalabit ang gatilyo ay inunahan ko na siya. Isang malakas na putok ng baril ang umalingawngaw kasabay ng pagtalsik ni Yb sa pader. Hindi ako nakuntento at pinaputukan pa siya ng isang beses, sa sobrang laki ng perwisyong idinulot niya sa buhay ko ay gusto ko pa siyang paputukan ngunit hindi ko ginawa.

Lumapit ako sa katawan niya at tinitigan ang mga mata nitong nakadilat habang umaagos ang dugo sa kanyang katawan at bibig.

“Go to hell.” Tipid kong sabi bago ihagis ang shotgun sa isang sulok.

Sa wakas at napaghiganti ko na rin si Cloud at lahat ng mga nadamay sa problema na ito. Balak ko na sanang lumabas ngumit biglang may tumunog na cellphone. Agad akong lumuhod at kinuha ang phone sa bulsa ni Yb.

Text message iyon galing sa nag ngangalang Red leader.

“Sinusubukan mo talaga ako.” Basa ko sa text kaya naisipan ko na rin na basahin ang buong conversation nila.

“Hindi ko hahayaan na mapunta sa inyo ‘yung code, mamamatay muna ako. At kung gusto niyo talagang makuha ‘yon, may isang bata akong kinidnapped, Hanapin niyo si Erin Cross. Siya ang nakakaalam ng code.” Iyon ang message ni Yb bago ang reply ng leader.

Anong ibig sabihin nito? Alam ni Erin iyong code? Kung gano’n, alam ni Yb na hindi na rin siya magtatagal sa mundo at gagawin niya talaga lahat para makapaghiganti sa amin kaya anak ko ang puntirya niya.

Hindi maganda ang pakiramdam ko rito kaya nagmadali na akong lumabas at agad niyakap si Thunder para ipaalam ang nalaman ko.

Pag-uwi namin sa bahay ay agad akong nagpa-book ng flight papuntang America, hindi ko na hihintayin na kumilos ang Red organization na iyon para hanapin si Erin dahil sa code na pinag-uusapan nila ni Yb. At kung ano man iyon, paniguradong importante iyon at baka buhay pa ng anak ko ang maging kapalit.

“Beb, sure ba kayo?” Tanong ni Ayesha mula sa kabilang linya.

“Oo Beb, bukas na bukas din aalis na kami. Hapon pa naman ang flight kaya kung pwede pumunta kayo rito ng maaga para magkakasama tayo bago kami tuluyang umalis.”