MGA PUCHU PUCHUNG TULA Ni Soysoy

Possesive .. No more

Hindi kita iiwan
Lilipat lang ako sayong likuran
Upang di makita ang takot na nararamdaman

Lungkot sa mga mata
Hindi ko hahayaan na iyong makita
Ako'y magpapanggap sa abot ng makakaya

Alam kong sa kanya ikaw ay masaya
Kaya hindi ko pagdadamot na ikaw ay lumigaya
Makita kang muling masaya, hindi ba't yan ang idinalangin ko sa Kanya

Sa lahat ng iyong pinagdaanan
Naramdaman ko kung pano ka nasaktan
Kung pano bumangon sa masakit na nakaraan

Ang nais ko'y maranasan mo ulit ang sumaya
Maramdaman mo ulit ang totoong mahalin ka
Na iyo na ngang natagpuan sa piling nya.

Alam kong oras mo sakin ay totoong mag iiba na
Pagkat anjan na sya na maituturing kong kakumpitensya
Sa atensyon na dati'y sakin na kapatid mo lang nakatuon di ba..

31.05.17
730am