Trapped (Book 1)

Kabanata 34

Kabanata 34: Endearment

Naiingayan ako sa kanila na patuloy pa ring inaasar sina Blaze at Erish. Ibinalin ko na lang sa labas ng bintana ang aking tingin. Matarik na ang dinadaanan namin na konting pagkakamali lang ng driver ay maaari naming ikapahamak.

Pine trees are everywhere. Medyo hindi ko maaninag ang ganda ng paligid dahil makapal ang hamog na bumabalot sa paligid.

"I'm still broken as fuck so please, fuck off." Napatingin ako sa harapan nang magsalita si Ryde.

Mukhang nabalin na sa kanya ang kanina lang na panunukso kay Blaze.

"Come on, Ryde! It's just a dare!" Pagpupumilit ng isa sa aming mga kaklase.

Magtatanong pa lang sana ako nang mapansin ang babaeng naiiyak sa harapan nya. Tumalikod na ito kay Ryde at handa na sanang maglakad pabalik sa kanyang upuan nang harangin sya ng isa sa mga kaklase naming babae, si Paula.

"Come on, Lyn. I know you have a crush on him." Wika ni Paula sa kanya. Bumalin ang tingin ni Paula kay Ryde. "Just a kiss on her cheek. It's just for fun."

Gusto kong matawa sa inis. Mukhang nahihiya na si Lyn sa ginagawa ni Paula pero wala lang 'yon sa kanya. Ryde already rejected the dare at nakakahiya 'yon para kay Lyn dahil sa harap pa mismo ng maraming tao.

"Ryde, 'wag ka namang kj!" Paula groaned.

"Why don't you kiss her instead?" Napalingon sa akin si Paula at automatic na umangat ang kanyang bagong ahit na kilay. "Come on, Paula. 'Wag kj, it's just a dare." May halong panunuya kong sinabi.

Bumagsak ang kamay niyang nakahawak sa braso ni Lyn. Kinuha naman ni Lyn ang pagkakataon na 'yon para bumalik sa kanyang pwesto. Nanatiling nakatayo si Paula at masama ang tingin sa akin.

"See? Ganyan ang nararamdaman ni Ryde when you were forcing him to kiss someone. Isn't it annoying?" I mocked her.

I'm not mad. I just hate her dare and forcing someone who is not up for her so-called fun. I mean, why force him?

"Then, I dare you to kiss Blaze." Medyo nagulat ako sa sinabi niya ngunit hindi ko pinahalata.

I laughed, "Kiss your ass, I'm not up for your game too. No, not me." I said then rolled my eyes.

"Oh, baka magkapikunan na kayo dyan, ah?" Tumayo na ang prof namin para pigilan kami. "Please go back to your seats, medyo matarik na ang daan at baka masaktan pa kayo."

Paula rolled her eyes at me, "We're not yet done, Ms. Vellarde." May halong pagbabantang sinabi nya bago bumalik sa kanyang upuan.

Hindi ko na lang 'yon pinansin. Well, I am sorry but I'm already done.

Matapos no'n ay naging tahimik na ang lahat. Malamang na naubusan na sila ng pag-uusapan o napagod na sa kakadaldal. Patag na rin ang daan at medyo bumagal ang sasakyan dahil madulas ang daan.

Mayamaya ay huminto na ang sasakyan sa harapan ng isang malawak na tarangkahan. Namamangha ang mga tingin nila habang kami ni Jean ay kalmado lang. Nakapunta na kasi kami rito.

Tumayo ang prof namin, "Tandaan nyo ang mga ibinilin ko sa inyo kanina. Walang uuwi hanggat hindi pa tapos ang retreat unless may emergency sa inyo. Walang lalabas ng resort at hindi rin naman kayo makakalabas dahil may mga bantay. Remember... Control your curiosity. So, yeah. Have fun!" Nagsigawan silang muli matapos no'n.

Bago kami bumaba ay nagbilang na muna kami at sinabi kung sinu-sino ang magkakasama sa kwarto. Kami ang pumili ng mga partners namin, apat na myembro sa isang kwarto. Hiwalay din ang kwarto ng mga girls sa mga boys.