Trapped (Book 1)

Trapped

Trapped

Napangiti ako nang mahawakan ko na ang diploma sa aking kamay. Isang hamak na papel man ang tingin ng iba rito pero para sa mga estudyanteng katulad ko na nagpakahirap ng ilang taon, isa itong pangarap na natupad. This is more than just a paper; this is our trophy.

"Congratulations!" Salubong sa akin nina Mommy at Daddy.

Mangiyak-ngiyak na yumakap ako sa kanila. "Thank you, mom, dad. This is for you." I whispered. Sinubukan kong huwag maiyak dahil masyado pang maaga para masira ang ilang oras kong pinaghirapan na make-up.

Ilang ilaw mula sa camera ni Kuya Led ang bumulag sa amin bago sya sumama sa amin at itinaas ang camera para makunan kaming apat.

"Wala na tayong baby." Natatawang sabi ni Kuya. "Pwede na ba akong gumawa, dad?" Mabilis na nabatukan ni daddy si Kuya Led dahil sa sinabi nito.

"Ayusin mo muna buhay mo! Kawawa magiging asawa mo."

Malawak ang ngiti sa labi ni Kuya habang hinuhugot mula sa kanyang bulsa ang isang kapiraso ng papel. Nung nakita ko pa lang ang logo na nakalagay doon ay napatili na ako. Tumawa si daddy bago niyakap si Kuya Led na halatang proud na proud sa sarili niya.

"You did it, Led! I'm so proud of you, son."

Mangiyak-ngiyak naman na yumakap din si mommy kay Kuya. Natanggap siya sa isang malaking kumpanya sa ibang bansa. Isa ang kumpanya na 'yon sa mga pangarap ni Kuya. Dati nya pa nga kinukwento sa akin na kahit daw janitor lang siya basta makapagtrabaho ro'n ay ayos lang.

"What can you say to your awesome kuya, Chels?" Binuksan niya ang braso niya para sa akin. Natatawang yumakap naman ako sa kanya.

"Congrats! Paano ba 'yan. Kami na lang nila mommy sa bahay." Sabi ko pa sa kanya.

Mabilis naman na kumawala siya sa pagkakayakap sa akin at pinaningkitan ako ng mata.

"I'll hire a bodyguard for you. Baka kung saan-saan ka pumunta."

Natawa na lang ako sa kanya. Napatingin ako sa isang babae na nasa likod ni Kuya Led. Mabilis na napawi ang ngiti sa aking labi nang makita ang naiiyak niyang mata. Ngumiwi ako dahil mukhang may isang babae na hindi masaya sa nangyayari.

"Oh, Jean. Congrats!" Yumakap si mommy sa kanya at isang simpleng ngiti lang ang nagawang isukli ni Jean.

Tumawa si daddy na gaya ko ay mukhang naintindihan niya agad ang nararamdaman ni Jean.

"Baka gusto mong sumama sa asawa mo, Jean." Biro ni daddy sa kanya.

Nakita ko agad ang pagkawala ng ngiti sa labi ni Kuya Led.

"H-Hindi po, Tito Rich. Sige po. Punta na lang ako mamaya sa inyo." Mabilis na tumalikod ito sa amin.

Napailing na lang ako.

Nauna na sina mommy, daddy at Kuya Led sa parking lot. Mabilis na iginala ko ang mata ko sa paligid. Unti-unti na ring nagsisialisan ang mga tao. May mga umiiyak din sa paligid at ang iba ay nagyayakapan.

Napatingin ako sa tatlong lalaking magkakaakbay. Suot pa nila sa ulo ang toga at sa isang kamay naman nila ang kanilang diploma. Tumatawang lumapit sa akin sina Ryde, Blaze at Jude.

"Ang ganda mo, Chels!" Ngumiwi ako sa isinigaw ni Jude.

Tumawa naman si Blaze nang makita ang pasimpleng pagsiko ni Ryde sa kanya.

"That's my girlfriend, Jude. Thank you though." Ngumisi si Ryde matapos niyang sabihin 'yon.

"Hi, Chels. Congrats!" bati sa akin ni Blaze.