His Deepest Secret ☑️

[19] Realized

K E N

Kanina noong nasa bahay pa ako, naa-anxious ako. Ang dami kong iniisip. Kasi, you know, hindi ko alam kung dapat ko ba talagang ituloy ang balak kong gawin ngayon.

Ang balak kong sabihin kay Paul. Hindi ba ako nahihibang? Gusto ko ba talaga 'tong gawin?

Gusto ko ba talaga si Paul?

He's mysterious. Ewan ko ba. Oo, ang konti pa lang ng time na nagkakasama kami pero eto ako at hulog na agad sa kanya. Totoo pala talaga na ang love ay walang timeline. Hindi mo mape-predict kung kailan ka ba dapat mahuhulog. O mai-inlove. Kusa kang maf-fall at kapag nangyari iyon sa pinakamadaling panahon, ang malas mo. Kasi maghahanap ka pa ng dahilan kung bakit ka nahulog sa taong 'yon.

In my case, do I still have to find reasons why I fell for Paul?

"P-paul?" I stuttered.

Ngumiti si Paul at iniabot na sa akin ang DSLR na hinahanap ko. Eto kasing si manyak eh.

"Salamat." Sabi ko sa kanya.

Nakita kong napatingin si Paul sa taong kasama ko.

"Ahm, Ms. Beautiful. Una na ako. Baka hinahanap na ako ni pres." Sabi ni manyak at umalis na siya.

Kaming dalawa na lang ni Paul ang natira dito sa may gate dahil halos lahat ng estudyante ay nasa loob na ng hall.

Paul faked a cough, "Ahem. Ken,"

"Yep?"

"Sino 'yun? Jowa mo? Nakita ko kasi yung ginawa nya kanina." He said out of concern.

"Ahh. Wala yun. CSC auditor. Gago talaga 'yung hayop na 'yon. Haha." Sabi ko sa kanya at nag-umpisa na kaming maglakad.

"Hinahayaan mo lang na ginaganun-ganun ka?" Sabi nya.

Napatigil ako sa paglalakad at tumingin ako sa kanya. He's serious.

Wait. Concern ba talaga siya? Nakakakilig naman. Shete. O baka naman natanong lang niya? Hay nako.

"Hindi ah, kaya ko nga sya nahampas ng bag, diba? Nakita mo naman siguro." Sabi ko sa kanya.

He smiled, "Well."

Ipinagpatuloy ko na ang paglalakad ko. I don't think na concern si Paul sa akin dahil he sort of somewhat liking me. Tingin ko, concern sya dahil kilala nya ako.

"By the way, nasabi mo last time na may sasabihin ka sa akin sa party -- I mean -- ngayon, 'di ba? Actually umattend lang ako dahil doon. Hindi talaga ako mahilig sa mga ganito." Sabi ni Paul.

Medyo natigilan ako pero hindi ko pinahalata sa kanya. Bigla ulit akong kinabahan. Ano ba naman 'yan, Paul! Masyado mo na akong pinapaasa!

O baka hindi. I think nag-eexpect ng iba si Paul. Patay tayo diyan. Siguro iniisip nya na may ibibigay ako sa kanya. Wala pa naman akong pera. Charot lang.

Paano kaya pag nalaman na niya? Matutuwa kaya siya? Ikakahiya kaya nya ako kagaya ng mga napapanood ko sa tv o nababasa ko sa mga libro? Iiwasan nya kaya ako?

Tingin ko hindi naman. Oo, konting time ko pa lang nakakasama si Paul pero nase-sense ko na hindi naman siya ganoong tao.

"Really? Then, tara na. Mamaya ko na lang sasabihin." Sabi ko sa kanya at nginitian ko sya. He smiled back.

Naku Paul. Sana hindi pera ang ine-expect mo sa akin.

~*~