SHE KNOWS LOVE (Published under PHR)

Chapter Thirteen

Napatingin si Jaiden sa kamay niya na may hawak sa kamay ni Margaux. Ramdam niya ang panlalamig niyon. Napangiti siya sabay tingin sa dalaga. Nasa parking lot sila ng restaurant ng kuya Geoff niya dahil napapayag niya si Margax na magdinner doon. Nais kasi niyang maiayos ang hindi magandang pagkakilala nina Margaux at ng kanyang kapatid.

"Relax." Sabi niya kay Margaux na panay ang pagbuntong-hininga at panay ang estima sa sarili.

Margaux looked neat and pretty wearing a green sequined romper. Nagulat siya sa totoo lang dahil iyon ang unang pagkakataon nakita niyang naka-dress si Margaux. Madalas na mga high waist skinny na madalas kulay itim at hanging blouse na madalas namang maluwag ang kaya lumalaylay at nalalantad ang balikat ng dalaga.

"Relax naman ako ah." Sabi ni margaux ngunit panay ang buntong-hininga. Napapatingi niyang niyakap ang dalaga saka hinalikan ang noo nito.

"Mabait si Kuya, okay?" Aniya habang hawak ang balikat ni Margaux. Tiningnan siya nito at pilit na ngumiti. He smiled light. Saka inakbayan ang dalaga. He even felt her trembling.

"Wala naman sa'kin kung mabait s'ya. Alam ko naman 'yon." Sabi ni Margaux.

"Kaya nga hindi ka dapat kabahan." Tugon niya. "Let's go?"

Tumango ang dalaga at inalis naman niya ang kamay sa pagkakaakbay dito saka muling hinawakan ang kamay ni Margaux. Umaga pa ng pumunta ng restaurant si kuya Geoff upang kumutahin ang operation niyon. At hindi alam ng kapatid niya na kasama niya si Margaux. Hindi niya sinabi dahil gusto niya ay hindi na makakaiwas ang kuya niya kapag nakita na ang dalaga.

Kaagad na pinaupo ni Jaiden si Margaux sa elevated na bagahi ng restaurant. Couch ang upuan doon at magkakalayo ang mga mesa. Iyon ang pribadong parte ng restaurant. VIP area kumbaga.

Kinawayan niya ang isang waiter nang makaupo siya sa tapat ni Margaux. Kaagad namang lumapit ang tinawag niya.

"Good evening, Sir Jaiden." Kaagad na bati ng waiter. He winced.

"Wag mo na nga akong i-sir. Si Kuya ang boss n'yo hindi ako. 'Asan pala s'ya?" Sabi niya at kumamot na lang sa ulo ang waiter.

"Nasa office n'ya kausap ni Sir Hans. Ipapatawag ko ba?" Tugon ng waiter. Si Hans ay ang chinese na kaibigan ng kuya na siya ring business partner ng kuya niya.

"Hindi na. Ako na lang." Aniya saka nilingon si Margaux habang lumalayo naman ang waiter. "Puntahan ko lang si Kuya."

Nakita niyang pagkabalisa ni Margaux. "Teka-"

"Sandali lang ako. Tatawag ako ng waiter para maka-order ka na." Agap niya sa akmang pagpopretesta ni Margaux saka siya tumayo. Nginitian niya ito at mabilis na sinabihan ang isang staff upang estimahin ang dalaga.

Malalaki ang hakbang niyang inakyat ang second floor kung saan naroon ang opisina ng kuya niya.

Kaagad niyang nakita ang kapatid niya nang buksan ang pinto. Nakaupo naman sa harap na visitor's chair ay si Hans.

"Hi, Kuya." Bati niya habang lumalapit sa mga ito. Nginitian siya ni Hans na tumayo naman.

"I have to go. May kapalit na 'ko." Ani Hans.

"Aalis ka na agad kuya Hans? Kararating ko lang." Sabi niya. Tinapik nito ang balikat niya.

"May lakad pa 'ko. Tapos na rin naman kaming mag-usap ng kuya mo. Sige." Anito at mabilis na lumabas ng opisina.