NO

အပိုင်း(၂၃)

" ခင်ဗျားမကောင်းဘူး"

ဘယ်လောက်ကြာကြာစောင့်နေနိုင်မှာလဲ?? အကဲမစမ်းရဲ။ အခန်းတံခါးအသံမထွက်အောင်ဖွင့် မီးမဖွင့်ထားတဲ့ အိမ်ရှေ့ခန်းကိုဖြတ်ကာ  ညအမှောင်ထဲငိုက်မြည်းနေပြီဖြစ်သောလမ်းမ
ထက် စတင်ခြေချသည်နှင့် ဆောင်းလေက
ဝှေ့ဝဲကြိုဆို၏။
ကျွန်တော်တို့ ဆိတ်ငြိမ်ရပ်ကွက်ငယ်တွင် တောင်တောင်အီအီလျှောက်သွားနေသော ခွေးလေခွေးလွင့် တစ်ကောင်နှစ်ကောင်သည်သာ သက်ရှိအဖြစ်ရပ်တည်နေသည်။

ယောကျာ်းလေးဖြစ်လင့်ကစား ထိုသို့အချိန်မတော် ကျွန်တော်အပြင်မထွက်ခဲ့ဖူး
ဘူး။အိမ်စီးဖိနပ်ကို ဖြစ်သလိုစွပ်၍ ခပ်မှောင်မှောင်လူသူပြတ်လမ်းသွယ်တွေထဲ ဖိနပ်ခြေသံ တဖြပ်ဖြပ်မြည်အောင်ပြေးလွှားနေမိ
သည်။ တဒိတ်ဒိတ်တုန်ယင်နေသော ရင်အစုံ
သည် မောဟိုက်မှုနဲ့ လှိုက်ခုန်နေတော့...
ကျွန်တော့်ဒူးတွေပါတဆက်ဆက်ဖြစ်လျက်ခြေ
လှမ်းတို့ကအနိုင်နိုင်။ မှောင်ရိပ်ထဲမှနေ၍ တဇွတ်ထိုးပြေးလာသော ကျွန်တော့်အား
မည်းမည်းမြင်ရာထိုးဟောင်တတ်သော ခွေးတွေ
လိုက်ဆွဲမှာလည်း မကြောက်နိုင်။
တဆက်ဆက်တုန်ယင်ခုန်မြည်နေသောရင်ခုန်သံ၊ ကျွန်တော်ဟာ ယောကျာ်းတစ်ယောက်၊
ကိုယ့်အပေါင်းအသင်းမဟုတ်သော ယောကျာ်း
တစ်ယောက် အထူးသဖြင့် ကျွန်တော့်ကို
လွမ်းတယ် ဟူ၍ ဖွင့်ဟလာသူတစ်ယောက်
အတွက်အိမ်ကမသိအောင်ပင် ခိုးထွက်ရဲ
နေပြီတဲ့လား။

လှမ်းခေါ်ချင်ပါသော်လည်း မောဟိုက်လွန်းလှ၍
အသံထွက်မလာ။ လမ်းမီးဓာတ်တိုင်အလင်းမှိန်
မှိန်ဖြာကျနေသော လမ်းထိပ်အုတ်ခုံတွင် ငြိမ်သက်စွာ ထိုင်နေသော Bro... ခေါင်းတွေငုံ့
ထားသော သူ့ပုံစံကိုငေးရင်း ဝဲဘက်ရင်အုံ
ဆစ်ခနဲအောင့်တက်လာရသည်။
ကားရှင်းနေသော လမ်းကို ဝဲညာတစ်ချက်ကြည့်
၍ သူရှိရာသို့ ထပ်မံပြေးရပြန်သည်။

"Bro~~"

မမျှော်လင့်ထားဘူးလား? လဲ့ကနဲဖြစ်သွားသော
သူ့မျက်ဝန်းတွေ ဖြတ်ခနဲတွန့်ကွေးတက်သွား
သော နှုတ်ခမ်းသားတွေ။ သေချာပြီ။
သူ ကျွန်တော့်ကို တကယ်မမျှော်လင့်ထားဘူးပဲ...