(Unicode)
ကျွန်တော့်နေ့စွဲတွေက ရွှေရေးချယ်သော
အနုလက်ရာတစ်ခုပမာ ၊ တိတိပပဖြင့်
ရုပ်လုံးကြွကာ အဖိုးထိုက်တန်လှသည် ။နေဝင်လို့မိုးသောက်သည့်တိုင် သူ့နှင့် အတူ
ရှိပါသော်ငြား ၊ မျက်တောင်တစ်ခတ်စာမျှ
ဝေးရလျှင်တောင် လွမ်းသည်ဟု ကျွန်တော်
ဆိုပါက Jeon Jung Kook တို့
အူအမြူးလွန်ပြီး သေသွားနိုင်လောက်သည် ။ယခုလည်း လေလေးတချွန်ချွန်နဲ့ ၊
မီးဖိုချောင်ထဲ အစွမ်းပြနေလေရဲ့ ။သူ မတတ်တာရော ရှိသေးရဲ့လားမသိ ။
mart ကို ကိုယ်တိုင်သွားပြီး ၊ ဈေးဝယ်
ထွက်ထားတာမို့ ၊ သူ ကျွန်တော့်ကို
ဘယ်လောက်အလေးထားကြောင်းလည်း
ခံစားမိခဲ့ပါသည် ။ ကျွန်တော် တွေ့ဖူးသမျှ
အချစ်တွေက သူဖို့၊ငါဖို့နဲ့ တာဝန်တွေလွှဲချကာ
ကားလိပ်သိမ်းသော တစ်ခန်းရပ်တွေများသည်မို့ ၊ကျွန်တော့်အမြင်မှာတော့ ဤပုရိသက
ဘုရားပေးသော ဆုထက်ပင် ဝမ်းမြောက်ဖွယ်
ကောင်းပါ၏။တန်း၌ ချိတ်ထားသော သူ့အင်္ကျီများကို
ကျွန်တော် မခေါက်တတ်၊ခေါက်တတ်ဖြင့်
ခေါက်ပေးလိုက်သည် ။ လည်ဂုတ်နေရာ၌
အနည်းငယ်ပြဲချင်နေသော အင်္ကျီများကို
ကျွန်တော် တွေ့လိုက်ရလေသည် ။
အင်္ကျီတစ်ထည်လုံးကို လက်နဲ့သိမ်းယူကာ
မျက်နှာပေါ် ဖိကပ်ရင်း ကျွန်တော်နမ်းမိတော့
သူ့ကိုယ်သင်းနံ့ ခပ်ရှရှကိုရသည် ။သြော် ...တစ်စုံတစ်ယောက်ကို ချစ်တယ်
ဆိုတာ ဒီလိုမျိုးတဲ့လား ...။အရင်ကဘယ်လောက်စိတ်မာခဲ့မာခဲ့၊ သူနဲ့မှ ဘာမဟုတ်တာလေးကိုတောင် ထိခိုက်
လွယ်သွားတာမျိုး ။သူ့ပုံလေးကို အာရုံထဲဖော်ရင်း အတိတ်တွေ
ပစ္စုန်ပ္ပန်တွေကိုတောင် မေ့လျော့သွားမိတာမျိုး ။သူနဲ့သာဆိုရင် ဟု အတွေးကွန့်မြူးလိုက်သည်
နှင့် တစ်လောကလုံးကို အပိုင်စားရသွားသလိုမျိုး။" b a b eee "
သူ၏ လှမ်းခေါ်သံကြောင့် ကျွန်တော့်
အတွေးတွေလွင့်ပြယ်သွားရသည်။
YOU ARE READING
Virus of Love [Completed]
FanfictionJeon Jung Kook Kim Tae Hyung Paring - Taekook Vkook This one may include rated scences[Warning]