(Unicode)
ချောက်နက်နက်ထဲ ထိုးကျသွားသလိုမျိုး ။
ကျွန်တော့်လက်ဖျားများက ရုတ်ခြည်းအေးစက်ကာ၊" Jungkook !!!!!!"
ပြန်လည်ပြတ်တောင်းသွားပါသော လေလှိုင်းများ။
တုန်ယင်နေသောလက်အစုံဖြင့် ကျွန်တော်
ပြန်ခေါ်မိသော်လည်း ၊ စက်ပိတ်သွားသည်ဟုသာ။ကျွန်တော် ကြိမ်ဖန်တလဲလဲကြိုးစားနေပေမယ့်
မရခဲ့။ ရင်တွေသာ မောဟိုက်လာခဲ့သည်။ကျွန်တော့် ပါးပြင်နားကပ်ပြီး ခပ်ရှရှ လေယူလေသိမ်းဖြင့်
"Babe" ဟု ခေါ်ခဲ့ဖူးသော ယောကျာ်းမှာ
Jeon Jungkook တစ်ဦးတည်းသာရှိသည်မို့၊
လေလှိုင်းပင်ဖြစ်လင့်ကစားဦး။ကျွန်တော် နှလုံးသားက မေ့သွားနိုင်လောက်အောင် ပေါ့ပျက်ပျက် အမျိုးအစားထဲ
မပါပါချေ။ကုတင်ပေါ်မှ ကျွန်တော် ကရောကပါး
ခုန်ဆင်းလိုက်ပြီး ၊ ပြတင်းပေါက်နားသို့
အပြေးသွားမိသည်။ မပိတ်ထားပေမယ့်
ခပ်စေ့စေ့ဖြစ်နေသော ပြတင်းပေါက်အား
ဆောင့်တွန်းကာ ဖွင့်မိလိုက်တော့ ၊ညက အေးစက်လွန်းပါသည် ။ ခပ်ပြင်းပြင်းလေ
များသည် ကျွန်တော့်မျက်နှာအား မမြင်ဟန်
ဆောင်ကာ တိုးဝှေ့သွားကြသည်။အငြိမ်မနေနိုင်သော မျက်လုံးများဖြင့်
ကျွန်တော် သူ့အား ယောင်ယမ်းကာ
ရှာဖွေနေမိသည်။အမိုက်မဲလေးရယ် ....ဆိုပြီး ကရုဏာဒေါသော
ဖြင့် ရေရွတ်နေသယောင်ရှိသော ကြယ်ကလေးတွေ။မလှောင်ကြပါနဲ့။ အဲ့ဒီကောင်ကို သည်လောက်အထိ
ချစ်တာမို့ .... ကျေးဇူးပြုပြီး...မလှောင်ကြပါနဲ့ဗျာ။ဒူးခေါင်းနှစ်ဖက်ကြားတွင် ခေါင်းကိုမြှုပ်ကာ
ကျွန်တော် ကြိတ်ငိုမိပြန်၏။ ချော့မြူပေးမယ့်
လက်တစ်စုံမရှိတော့မှန်း သတိရသည့်အခါ ၊
ကျွန်တော် ပြုံးနိုင်အောင် ကြိုးစားရပြန်သည် ။သူ ဘာလို့ ဆက်သွယ်ရတာလဲ ။
ဒီအတိုင်းလေးပဲ သေရင်းနဲ့အသက်ရှုဖို့
ရုန်းကန်နေရတဲ့ ကျွန်တော့်ကိုလေ ။
သူ ကျွန်တော့်ကို ချစ်နေသေးသည်လား ။
မဖြစ်ရဘူး။ စိတ်ရူးပေါက်ပေါက်နဲ့ ဆုတောင်း
မိသမျှက ကျွန်တော့်ကိုယ်ကျွန်တော်
နှစ်သိမ့်ဖို့အတွက်ပဲ ။ မင်းက ငါယုံကြည်ထားတဲ့အတိုင်း
ဖြစ်နေရအောင် ၊ ချစ်နေရအောင်၊ စောက်ရူးလား
Jeon Jungkook ရယ်။
YOU ARE READING
Virus of Love [Completed]
FanfictionJeon Jung Kook Kim Tae Hyung Paring - Taekook Vkook This one may include rated scences[Warning]