He is My Adorable Boyfriend [ Completed] ( Unicode + Zawgyi )

Episode 09

Unicode

   " Kyung Soo ! Kyung Soo ! Kyung Soo !"

      ဆရာ မဝင်တဲ့ အချိန် ခုံပေါ်မှောက် အိပ်နေတုန်း Chanyeol ရဲ့ အသံပြဲကြီးက နားထဲ တိုး ဝင် လာလေသည် ။

သို့သော်လည်း Kyung Soo မော့ မကြည့်ဖြစ် ။

ညက စာလုပ်နေရင်း ညဉ့်နက် သွားတာကြောင့် အိပ်ချင်နေသည့် စိတ်က ထိန်းမရ။

မျက်စိ အတင်းမှိတ် ကာ အိပ်ဖို့ ကြိုးစားနေလိုက်သည်။ Chanyeol က Kyung Soo ကို အတင်း ဆွဲကာ

   " Do Kyung Soo ထစမ်းပါကွာ သတင်းထူး ပြောစရာ ရှိတယ်ကွ "

   " ဘာ သတင်းထူးလဲကွာ အိပ်ချင်ရတဲ့ ကြားထဲ "

   " ငါတို့ ကျောင်းကို ကျောင်းသား သစ် ရောက်လာမယ် တဲ့ Kyung Soo "

  " Park Chanyeol! မင်းကွာ ကျောင်းသား သစ် ရောက်တာ ထူးဆန်းလား ကြောင်တောင်တောင် နဲ့ "

     Kyung Soo ပြော ပြီးပြီးချင်း ပြန် အိပ်ဖို့ ကြိုးစားတာကို အင်္ကျီကော်လံ ကို နောက်ကနေ ဆွဲထားပြန်သေးတာ။ ပြီးတော့ သက်ပြင်းချကာ

   " ကျောင်းသား သစ် ရောက်လာတာ မထူးဆန်းတာ ငါ သိတယ် Kyung Soo ဒါပေမယ့်........"

"ဒါပေမယ့် ......ဘာဖြစ်လို့လဲ Chanyeollie "

    ရှေ့တန်းမှ Baekhyun က စာ ပြီးသွား၍ Kyung Soo တို့ ဘက်သို့ လှည့်ကာ မေးလာသည်။

Kyung Soo လည်း Chanyeol ပုံစံက ထူးဆန်း နေတာကြောင့် သူ့ အဖြေကို စောင့်နေလိုက်သည်။

   " သူက Shinsong အထက်တန်းကျောင်း က ပြောင်းလာတာတဲ့ Kyung Soo"

   ထို အချိန် ခဏ Kyung Soo ရင်ထဲ အသက်ရှုနှုန်း တွေ ပြင်းထန် လာသယောင်။ ပြီးတော့ မှ ပြန်ထိန်းကာ

" အဆင်ပြေရဲ့လား Kyung Soo "

Chanyeol ရဲ့ အမေးကို ခေါင်းငြိမ့်ပြကာ

" ပြေပါတယ်ကွာ ဘာမှမဖြစ်ပါဘူး ကျောင်းပြောင်းလာတာ မထူးဆန်းပါဘူး "

Chanyeol ကတော့ ကိစ္စ တစ်ချို့ကို သိထားသူ ပီပီ သက်ပြင်းချသည်။

Baekhyun ကတော့ နားမလည် ပေမယ့် ဘာမှ မပြောတော့။

မကြာခင်မှာပင် သူတို့ အားလုံး ထို ကျောင်းသားသစ် အကြောင်းကို မေ့မေ့လျော့လျော့ ဖြစ်သွားခဲ့ကြပါသည်။