Last semester na to na pinapasukan namin at tatapusin lang namin iyong medyo maraming requirements at graduation na. Napakabilis ng panahon.
At hindi ko napansin iyon dahil kasama ko sa hirap at ginhawa ang pamilya ko, kaibigan at si Jeno.
"Di ka papasok?" Nasalubong ko si Dad na naglalakad sa may dining hall pagkapasok ko ng dining area.
"Ang usapan po namin nila Mark mga hapon na kami magsasubmit ng training reports." I smiled as i grabbed a cup from it's keeping area.
"Mabuti. Hinahanap ka ni Bella." He chuckled lowly.
Kung kakamustahin niyo si Dad, ayun nakakalakad na siya at gumaling na ang mga sugat niya.
Pumunta pa kami ng Switzerland para ipagamot at iparestore iyong broken leg niya nun. Naging successful iyon at nabigyan pa siya ng parangal mula sa pinuno ng bansang ito dahil sa pagsasakripisyo para sa bansa namin nung digmaan.
Natanong ko din sa kanya iyong tungkol sa golden bracelet niya na naibigay ko. Nakita ko kasi nung pagdating niya ay wala na ito.
At nasa isang sundalo ito nun na namatay, na inakala kong siya.
"Namatayan ng anak iyong sundalong iyon. Sa tuwing naaalala daw niya iyong anak niya, namimiss niya daw ito at nalulungkot siya. Kaya ibinigay ko iyong bracelet na galing sayo, at sinabi kong galing iyon sa anak ko. Sa puntong iyon, sinabi ko ding isipin nalang niya na nandyan lang lagi yung anak niya at hindi naman ito talaga nawala. Dahil mahal na mahal niya ito." He smiled.
Imbes na magtampo ay ngumiti ako sa kanya. Im so proud of him.
Si Nanay, balik trabaho na siya sa school. Si Daddy palang ang umaasikaso kay Bella at iyong ilang maids sa bahay. Di naman makulit si Bella eh, kaya minsan pagkauwi ko galing school ay ako ang nag aalaga sa kanya.
Suddenly the door bell rang. Napaisip akong sila Mark yun pero may usapan kasi kami eh. Eh si Jeno, may photoshoot yun.
Wala ng problema iyon sa requirements niya dahil last week palang natapos na niya sa tulong ni Koeun at nung manager niya.
Asensado ang loko kasi talagang semi-artist na siya. Hindi lang sa commercial sa tv siya nakikita, minsan nasasama din siya sa ilang hit na movies ng mga sikat na artista. Minsan anak siya nung mga bida, minsan bestfriend siya nung antagonists, ganun. Nakakaproud lang kasi ang galing din pala niyang mag-acting. Parang natural na natural.
"Mukhang nandyan na yung magiging sitter ni Bella, sandali lang anak." Naeexcite na wika ni Daddy saka ito dumiretso sa may pinto.
Nagtaka naman ako. So kailangan talaga ng yaya ni Bella?
Dala dala ko ang cup of milk ko ng pumunta din sa living room at nakita ko kung sino ang kinuha nilang yaya ng kapatid ko.
I looked at her surprised at pati din siya.
"Tyang?" I asked at parang naguluhan ang matanda sa tinawag ko sa kanya.
"Iisang bata lang ang tumatawag sakin nun. Huwag mong sabihing ik-"
"Tyang, ako nga to. Si Jaemin! Iyong tinulungan ninyo noon!" I was so happy as i hugged her at parang nagulat din si Daddy.
