ရင်ခုန်သံမညာကြေး
အပိုင်း - ၁၁ (u)
Kit ကို ဝင်ပေါက်ဝကနေလှမ်းတွေ့တော့ ပေါင်ပေါ်မှာ အိပ်နေတဲ့ Singto ကို New လှမ်းတို့လိုက်သည်။
"Kit..."
မမြင်ချင်ယောင်ဆောင်ပြီး တခြားဘက် သွားထိုင်ဖို့ လုပ်နေတဲ့ Kit ကို လှမ်းခေါ်ရင်း Singto က ထဖို့လုပ်ရင်း ရုတ်တရက် ယိုင်သွားလို့ Kit က အပြေးလာပြီး လှမ်းထိန်းလိုက်သည်။
"အိပ်နေရောပေါ့... P ရယ်... ဘာလို့လဲ"
Kit က ပြောရင်းနဲ့ ခုနက New နားမှာပဲ ထိုင်ချလိုက်တော့ Singto ကပါ လိုက်ထိုင်လိုက်သည်။
New ကတော့ Gunsmile တို့နား လစ်ထွက်သွားပြီ။
"P က Kit ကို စောင့်နေတာ"
P က အဲ့လိုပြောလာလို့ Kit ခိုးပြီး ပြုံးမိသည်။ သူ့ P က သူ့ကို အဲ့လိုလေးချွဲရင် သူ မနေတတ် မထိုင်တတ်ဖြစ်မိသည်။
"P နေမကောင်းဘူး Kit"
Singto နဖူးကိုစမ်းကြည့်တော့ ကိုယ်ပူနေသည်။ ဒါနဲ့ပဲ သူဝတ်ထားတဲ့ ဂျာကင်ကို ချွတ်ပြီး သူ့ Pကို ခြုံပေးလိုက်သည်။ ပြီးတော့ P'Sing ဆံပင်တွေကို ဆော့ရင်း နားထင်လေးကို နှိပ်ပေးနေသည်။
"Kit နှိပ်ပေးတာ ခံလို့ကောင်းလိုက်တာ..."
Singto က မျက်တောင်မခတ်ဘဲ Kit ကို စိုက်ကြည့်နေရင်းနဲ့ ပြောလိုက်တာ...။ Kit ရင်ထဲ တညိမ့်ညိမ့်နဲ့ လှုပ်ရှားသွားလို့ မျက်နှာတောင် နီလာသည်။
"အင်း... ခံလို့ကောင်းရင် မျက်လုံးမှိတ်ထား ... ဖုန်းမဆော့နဲ့တော့... တစ်နာရီလောက်အိပ်လို့ရသေးတယ်"
ဒီလိုကျတော့လည်း Kit က တကယ့်လူကြီးလေးလိုပင်...။ Singto အပေါ် အဲ့လိုတွေဂရုစိုက်ပေးနေတဲ့အခါ တကယ့်ကို P'Arthit ဖြစ်သွားတတ်သည်။
"Kurp... P'Arthit"
Singto က ဝမ်းသာအားရ ပြုံးရင်း Kit ကို နောက်လိုက်သည်။ ပြီးတော့ နှစ်ယောက်သား ရယ်နေကြသည်။
အချစ်ဟာ ပင်ပန်းမှုတွေကို ယူပစ်သလို ပျောက်ကင်းစေတတ်သည်လား...။ Singto ဒီနေ့ ကျောင်းမှာ အရမ်းပင်ပန်းလာတာဖြစ်သည်။ ခေါင်းကိုက်လွန်းလို့ ခေါင်းပင်မထူချင်...။ နှာကလည်း စေးနေသေးသည်။ Kit က သူ့ခေါင်းလေးကို နှိပ်ပေးနေတော့ နေလို့ကောင်းပြီး သူ အိပ်ပျော်သွားသည်။
YOU ARE READING
ရင်ခုန်သံမညာကြေး Or Peraya's Dream
FanfictionKrist နဲ့ Singto တို့ရဲ့ real life နဲ့ နီးစပ်တဲ့ fics လေးတစ်ပုဒ်ကို စိတ်ကူးယဉ်ဖန်တီးထားပါတယ်။ Peraya လေးတွေအတွက် ပျော်စေချင်လို့ပါ။ ချိုမြိန်ခြင်းတွေ အတူစားသုံးကြပါစို့။ Zawgyi Krist နဲ႔ Singto တို႔ရဲ႕ real life နဲ႔ နီးစပ္တဲ့ fics ေလးတစ္ပုဒ္ကို စိတ္...
