Part - B (u)
ဆုပေးပွဲစင်ပေါ်မှာ Krist ထုံးစံအတိုင်း Krist ကပဲ အရင် ကျေးဇူးတင်စကားပြောလိုက်သည်။ သူပြီးတော့ Sing အလှည့်ပေါ့။ Krist လက်ထဲကို ဆုကို လှမ်းပေးလိုက်ပြီး Singto ကျေးဇူးတင်စကား စပြောသည်။ ကျေးဇူးတင်စကားကို စိတ်ရင်းအပြည့်ဝဆုံးနဲ့ အပေါ်လွင်ဆုံး ပြောနိုင်ဖို့ Sing စကားလုံးတွေ ရှာဖွေနေသည်။
"ကျွန်တော်တို့ကို ဒီနေ့ထိခေါ်ဆောင်ပေးလာတဲ့ Sotus နဲ့ Sotus S the series ကို အရင်ဆုံးကျေးဇူးတင်ပါရစေ...။ ကျွန်တော် နောက်ဆုံးကျေးဇူးတင်ချင်တဲ့သူက ..."
ပြောရင်းနဲ့ Krist ကို လှမ်းကြည့်တော့ သူ့ကို မကြည့်နေဘဲ ခေါင်းလေးအောက်ငုံ့နေသည်။ Kit စိတ်ကောက်နေတုန်းမှန်းသိတော့ သူ ပြုံးနေမိသည်။ စိတ်ကောက်နေတဲ့ ချစ်သူလေးပုံစံက အရမ်းချစ်ဖို့ကောင်းနေတာကိုး။"Krist က ကျေးဇူးတင်ရမယ့် သူတွေအကုန်ကို ပြောသွားပြီးပြီဆိုတော့ နောက်ဆုံးအနေနဲ့ ကျွန်တော်ကျေးဇူးတင်ချင်တဲ့သူက Krist ပါ..."
Sing က အဲ့လို ပြောမယ်မထင်ထားလို့ Krist အံ့သြနေပြီး ခေါင်းငုံ့ရာကနေ မော့ကြည့်လာသည်။ သူ့ကိုခေါင်းငြိမ့့်ပြပြီး ကျေးဇူးတင်စကားကို ဆက်လိုက်သည်။"ကျွန်တော်တို့ တစ်ယောက်ကို တစ်ယောက် ဂရုတစိုက်နဲ့ ဖေးဖေးမမရှိခဲ့လို့ ဒီဆုကို ရခဲ့တာပါ...ပြီးတော့ ဒီနှစ်ရဲ့ အကောင်းဆုံးဆုရအောင် vote ပေးတဲ့ fan တွေ အားလုံးကိုလည်း ကျေးဇူးတင်ပါတယ်"
လက်ခုပ်သံတွေကြားမှာ သူ့ ကလေးလေး Kit ရဲ့ မျက်နှာလေးကို ငေးကြည့်ပြီး ပြုံးနေမိသည်။ Singto က အချစ်ကို ပါးစပ်ကနေ ထုတ်မပြောဘဲ အမူအရာတွေကတစ်ဆင့် သိစေချင်တဲ့သူမလား။ အခုလို သူ ချစ်ရတဲ့သူကို တခုတ်တရနဲ့ စင်ပေါ်မှာ Kit ကို ကျေးဇူးတင်စကားပြောနိုင်လိုက်လို့လည်း Singto သူ့ကိုယ်သူ ကျေနပ်မိသည်။ စင်အောက်ကို အဆင်းနားမှာ မီးအရောင်က မှောင်ပျပျလေးဖြစ်နေလို့ Kit ရဲ့ လက်သန်းလေးကို Singto အသာလှမ်းကိုင်လိုက်သည်။ Kit က သူ့ကို လှမ်းမကြည့်ပေမယ့် လက်ကိုတော့ မဖြုတ်ချပေ...။ ဒီလောက်ဆို ကလေးလေးစိတ်ပြေစပြုနေပြီဆိုတာ သူ နားလည်လိုက်သည်။
🌞💞🌝
"ဇာတ်လမ်းထဲက ဇာတ်ကောင်ရဲ့ ရင်းနှီးမှုတွေက အပြင်ဘဝကို သက်ရောက်မိတာရှိလား"
Reporter တွေရဲ့ မေးခွန်းကို နားထောင်ပြီး ဘာကိုမေးချင်နေပြီဆိုတာ Kit သိလိုက်သည်။ ထုံးစံအတိုင်း သူနဲ့ Prae ဘာလို့ ပြတ်သွားလဲဆိုတာကိုပဲ မေးကြမှာ...။ တစ်ခါတစ်လေမှာ Reporter တွေရဲ့မေးခွန်းတွေဟာ Fan တွေ FM မှာ မေးတာတွေလောက်တောင် ပညာသားမပါဘူးလို့ Kit ထင်မိသည်။
YOU ARE READING
ရင်ခုန်သံမညာကြေး Or Peraya's Dream
FanfictionKrist နဲ့ Singto တို့ရဲ့ real life နဲ့ နီးစပ်တဲ့ fics လေးတစ်ပုဒ်ကို စိတ်ကူးယဉ်ဖန်တီးထားပါတယ်။ Peraya လေးတွေအတွက် ပျော်စေချင်လို့ပါ။ ချိုမြိန်ခြင်းတွေ အတူစားသုံးကြပါစို့။ Zawgyi Krist နဲ႔ Singto တို႔ရဲ႕ real life နဲ႔ နီးစပ္တဲ့ fics ေလးတစ္ပုဒ္ကို စိတ္...