Base sa Korean BL na Night Flight
Minsan ay kinakailangan mong lumakad sa bawat sulok sa buhay upang masabing ganap kang tao. Kinakailangan mong matalo upang manalo, maging mahina upang maging malakas, malungkot upang maging masaya. Ang konsepto ng...
Oops! This image does not follow our content guidelines. To continue publishing, please remove it or upload a different image.
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Both Sides
AiTenshi
March 13, 2018
Nanatili akong nakahandusay sa lupa habang pinag mamasdan siyang lumakad ng mabilis palayo sa akin dala ang aking pera at ilang mahalagang papel.
Ilang sandali rin ako sa ganoon posisyon hanggang sa muli akong bumangon at pumara ng taxi pauwi. Mabuti na lamang at naka ugalian kong mag hulog ng barya sa gilid ng aking bag kasama ng mga kendi. Iyong ang ginamit kong pamasahe upang maka uwi.
Part 7
Pag dating sa bahay ay agad kong hinugasan sa gripo ang aking mukha. Si Conor na yata ang nag iisang taong kilala ko na galit sa mundo. Mistulan siyang isang mabangis na hayop na kapag nilapitan ay nananakmal o manlalapa ng buhay.
Isang malalim na buntong hininga ang aking pinakawalan habang binubuksan ang bintana sa aking silid. Dito lamang nag mumula ang preskong hangin dahil sa likod ang aking kwarto na malapit sa gawing bukirin kaya't malamig dito.
Marahan akong dumangaw doon at dito ay muling nag balik sa aking isipan yung mga babala ni Neil na huwag akong mag kakagusto sa isang taong straight.
Flash back.
"Diba ang sabi ko sa iyo ay huwag mong ipag tatapat sa kanya? Ano reaksyon niya? Nasuka ba siya sa sinabi mo?" ang tanong ni Neil
"Hindi ko ipinag tapat at wala akong balak gawin iyon." ang sagot ko naman.
"Huwag mo nang subukang sabihin sa kanya dahil mag mumukha ka lang kawawa sa bandang huli. Kapag straight ang minahal mo ay para ka na ring tumalon sa pinaka mataas na gusali dito sa bayan at pag bagsak mo ay buhay ka pa rin. O kaya ay para na ring nag lason, uminom ng muriatic acid, clorox o ng pamatay sa daga. Huwag kana mag ambisyon Juno." ang tugon niya habang bumubuga ng sigarilyo.
End of flashback
"Malalason ba nga ako? O unti unting madudurog?" ang tanong ko sa aking sarili habang naka tanaw sa aming bakuran.
Tahimik..
Naramdaman ko nalang na niyakap ko ang aking sariling tuhod habang nakatanaw sa kawalan. Malayo ang tingin na para bang may hinahanap ngunit wala naman talaga.
Kasabay ng mga katanungan sa aking isipan ay ang isang musikang ng mumula sa kabilang bahay na siyang nag paigting ng aking emosyon.
