30 Days with Mr. T (Published under PSICOM Publishing Inc.)

Chapter 23

Sinipag si author mga kapatid. Sana kayo rin sipagin mag-comment. Kanta muna tayo...

"O tukso, lapitan mo akoooooh... bilis para ako'y makatakboooo-ahooo..."

Hoy! Kung ayaw nyong matulog, magpatulog kayo! Pisting yawa!😝😆

Kimi lamang akong sumusunod sa mag-lolo. May pinag-uusapan silang hindi ko maintindihan. Kasama rin namin si ka-love team Enrique. Katulad ko, maayos na rin ang suot niya. Hindi kagaya kagabi na probinsyano-look alike siya talaga.

Mabuti rin at may damit na si sir este Brix. Kasi kanina, parang short lang na manipis ang suot niya. Nakita ko pa nga ang manipis na buhok sa kanyang dibdib. Naalala ko ang mga muscles na tiyak ay matitigas. At may nasulyapan din akong nakabakat sa gitna ng mga hita niya. Sa isip ko, bakit kaya parang halos hindi magkasya iyon sa suot niya? Dapat extra large na short ang binili niya para naman magkasya yung ano niya. 'Di ba?

"Honey, bilisan mo!"

Nagulat ako sa biglang sumigaw. Malayo na pala sila mula sa kinaroroonan ko.

"Mam Mayumi, tinatawag ka na ni sir." Napalingon ako sa aking tabi. At nakita ko ang mapuputing ngipin ni Ben. Mukhang kanina pa niya ako sinasabayan sa paglalakad.

Nakita kong nakatingin sa amin ang mag-lolo. Naputol tuloy ang pagmumuni-muni ko. Wala pa nga ako sa part na biglang bumukas ang pinto habang nananaginip ako ng gising.

"Mam, bakit namumula ang pisngi mo?"

"H-Ha?" Napahawak ako sa aking mukha. Mainit ang pakiramdam ko. Hindi ko kasi makalimutan ang nakakahiyang nangyari kanina.

Ano na lang ang iisipin ni honey? Este Brix? Na naghuhubo talaga ako kapag mag-isa sa kwarto ng mga prinsesa? O baka isipin niyang isa akong eva eugenio na tinutukso siya?

Natakpan kong bigla ang aking mukha. Ahhh shite naman talaga! Nakakahiya!

"Okay ka lang ba, mam?" boses ni Ben na naramdaman ko ang palad sa aking likod.

"What's goin' on?" seryosong tinig. Nag-angat ako ng tingin at nakalapit na pala sa akin si Brix. Kasunod din niya si lolo pogi.

Mabilis na nawala ang palad ni Ben mula sa katawan ko. "Sir Brix, masama yata ang pakiramdam ni Mam Mayumi."

Nakita kong may gumuhit sa noo ni Brix. "Sige na Ben. Mauna na kayo ni lolo. Ako na ang bahala rito." Aniyang hindi man lang sumulyap sa kausap dahil sa akin siya pirming nakatingin. Mas lalo tuloy nag-init ang pakiramdam ko.

"Okay sir," ang sabi ng masunurin kong ka-love team.

Napapitlag ako sa mainit na kamay na humawak sa braso ko. "Walk," utos niya.

Ako namang si robot, nag-walk.

"You're already raising a child. Why are you still hitting on my caretaker?" tanong ni Brix na napahigpit ang hawak sa akin.

Yeaaah, take care coz I care, duh! Hindi ako kumibo. Dahil hindi ko naman siya maintindihan kung bakit pinag-iingat niya ako. Saka pakiramdam ko kasi tumatagos sa bestidang suot ko ang mga mata ni Brix. Alam mo iyon, parang meron siyang x-ray vision. At makikita niyang muli ang mga pinakatago-tago ko.

"Tandaan mo, Mayumi. Nandito ka para magpanggap na girlfriend ko. Kailangan mong kumbisihin si lolo na tayo na nga ang magkakatuluyan." Mariin niyang sabi.