အခန်း (၄၁) လင်းချန်​စယ်​+​ချောင်းမိုခွန်း

25.5K 2.1K 92
                                    

အခန်း (၄၁) လင်းချန်​စယ်​ဘဝ

Translator - MayHoney127

BGM suggest >>> On call {by Lu Han} for Loser JiHanyu :,(

ကျီဟန်ယွိ အသက်၁၂နှစ်ပြည့်တဲ့နေ့တုန်းက သူ့အဖေက အိမ်ကို သူစိမ်းကောင်လေးနဲ့ ကောင်မလေးကို ခေါ်လာခဲ့တယ်။ သူတို့ကို လက်ဆွဲထားရင်းက ဒါမောင်နှမတွေဖြစ်လို့ သူကစောင့်ရှောက်ရမယ်လို့ ပြောတယ်။ ကျီဟန်ယွိက မှင်သက်သွားပင်မယ့် သူ့အမေက သူ့မွေးနေ့ကိတ်အကြီးကြီးကို မှောက်ပစ်ကာ သူ့အဖေကို ဆဲဆိုတော့တယ်။ သူ့အမေက

"ကျီမင်​ရွှမ်​ ရှင့်ကိုရှင်ဘာထင်နေလဲ? ကိုယ့်ကိုကိုယ်ပြန်ကြည့်စမ်း။ လူကဖြင့် နဖူးပြောင်ပြောင်နဲ့ ဝတုတ်ပြဲနေတဲ့ အသက်၅၀အရွယ် အဖိုးကြီးဖြစ်နေပြီ။ အသက်၂၀ကျော် ကောင်မတစ်ယောက်နဲ့ ကလေးရတဲ့အထိ ဘာလုပ်နေတာလဲ? သူက ရှင့်ကိုတကယ်ချစ်တယ်များ ထင်နေလား? ချောင်းမိသားစုရဲ့ နောက်ခံသာမရှိရင် ရှင်ကအလကားပဲ! ဒီအရိုင်းအစိုင်း သူတောင်းစားနှစ်ကောင်ကို ငါ့မျက်စိရှေ့ကနေ ခေါ်ထုတ်သွားစမ်း!"

သူ့အဖေမျက်နှာက ဝက်ကြီးလို ရဲပြီးဖောင်းပွလာတော့ ကျီဟန်ယွိလေးက ရယ်စရာထင်ပြီး ရယ်လိုက်မိတယ်။ သူ့အဖေက ဒေါသတကြီး လူကိုလက်ညိုးငေါက်ငေါက်ထိုးက လှောင်သံနဲ့

"သူတောင်းစားကောင် မင်းကဘာလို့ရယ်တာလဲ? မင်းကိုမင်းဘာကောင်များထင်နေလဲ? မင်းအမေက သူတို့ကိုသူတောင်းစားခေါ်ရအောင် သူကိုယ်တိုင်ကလည်း ချောင်းမိသားစုရဲ့ သူတောင်းစားပဲကွ! ကျီအိမ်ရဲ့ ချမ်းသာမှုကြောင့်သာ မဟုတ်ရင် မင်းကို ဘယ်သူမှ ချစ်မှာမဟုတ်ဘူး။ ပေးတာယူ ကျွေးတာစားနေရတဲ့ဟာတွေကများ ငါ့ကိုလာကိုက်နေသေးတယ်။ $ကျေးဇူးမသိတက်တဲ့ဟာတွေ"

အဲ့ဒီအချိန်တုန်းက အဲ့စကားတွေကို သူနားမလည်ပင်မယ့်လည်း စိတ်ထဲမှာ နက်နက်ရှိုင်းရှိုင်းကို စွဲသွားတော့တယ်။

အဲ့ဒါကြောင့် လင်းချန်စယ်က သူ့ကိုငွေကြောင့်ပဲ ချစ်တယ်လို့ပြောတာ ကြားတုန်းက သူအရမ်းစိတ်ဆိုးသွားမိပြီး ဒီလှောင်ရယ်ဖို့ကောင်းမယ့် အစီအစဉ်ကို စခဲ့တယ်။ လင်းချန်စယ်ကို ကျီမိသားစုစီးပွားပျက်သွားပြီး သူနေစရာမရှိဘူးလို့ပြောခဲ့တယ်။ သူ့မျက်နှာပျက်နေ​ပေမယ့် ရင်ထဲမှာတော့ လှောင်ရယ်နေခဲ့တယ်။ ကျီအိမ်က တကယ်စီးပွားပျက်သွားပြီး ပိုင်ဆိုင်မှုတွေက လောဘကြီးတဲ့ တရားမဝင်သားသမီးတွေဆီကို ရွှေမိုးငွေမိုးရွာချသလို ရောက်သွား​ပေမယ့် ကျီဟန်ယွိအတွက်တော့ ဘာသက်ရောက်မှုမှ မရှိဘူး။ သူ့အမေကျီမိသားစုထဲကို လက်ထပ်ပြီး ရောက်သွားတည်းက သူ့အဖိုးက တသက်ဖူဖူလုံလုံနေလို့ရတဲ့ငွေတွေ သူ့အမေကို ပေးထားပြီးသားပဲ။ သူ့အမေဆီက ပိုက်ဆံ၂သန်းလောက်တောင်းပြီး သူ့ဦးလေးအကူအညီနဲ့ စက်ရုံထောင်ထားတာ အမြတ်တွေက အများကြီးပဲ။ သူမွဲသွားချင်ယောင်ဆောင်ပြီး လင်းချန်စယ်အိမ်မှာ အတူနေဖို့ တောင်းဆိုခဲ့တယ်။ လင်းချန်စယ်က သဘောတူခဲ့​ပေမယ့် အဲ့နောက်ပိုင်း သူ့အပေါ်အေးစက်လာပြီး သူ့ချမ်းသာတဲ့အပေါင်းအပါတွေကိုပဲ ဖော်ရွေလာတော့တယ်။ ကျီဟန်ယွိက တဖက်သတ်အမြင်နဲ့ အထင်သေးနှာခေါင်းရှုပ်ပြီး လင်းချန်စယ်က သူ့ထောင်ချောက်ထဲမှာ မိပြီလို့ ထင်ခဲ့တယ်။

ဗီလိန်​မာယာ 【FOD Zawgyi】Where stories live. Discover now