فريسة غلبت الصياد ©️ - الجزء الثاني - كاملة ✅

الفصل الخامس

الحلقة الخامسة :

في منزل أدهم ،،،،،،،

في المطبخ،،،،،

دلفت يارا إلى المطبخ تبحث عن شيء ما تتناوله ، اقترب من البراد وفتحته لتنظر إلى ما بداخله ، وتفاجئت بذراعي أدهم تحاوطها من الخلف و...

-أدهم: بتعملي ايه ؟

-يارا وهي تحاول التحرر منه : بشوف هاكل ايه ؟

-أدهم: طب ما تيجي نقعد مع بعض شوية نعوض اللي فاتنا

-يارا : أدهم .. بليز ، أنا جعانة ومش هعرف أعمل حاجة على معدة فاضية

-أدهم على مضض: طيب ...

أرخى مروان ذراعيه عن يارا لتبتعد هي عنه وتعبث بمحتويات المطبخ لكي تعد وجبة افطار لها .. بينما جلس هو على الطاولة الموضوعة في المنتصف ..

ظل أدهم يراقبها وهي تعد الطعام ، أسند رأسه على ذراعه ، فلاحظت هي مراقبته الشديدة لها و..

-يارا : مش بحب حد يبصلي كده

-أدهم: وهو أنا أي حد .. ده أنا حبيب القلب

-يارا وهي تمط شفتيها : اووف

نهض أدهم من على المقعد الخشبي وتوجه إليها و...

-أدهم : مالك يا يارا في ايه ؟؟ انا حاسس انك مش مبسوطة

-يارا: هــه

-أدهم: قوليلي لو في حاجة مضيقاكي

-يارا: لأ مافيش حاجة

-أدهم: طب تعالي معايا ، أنا عاوزك

-يارا باستغراب : عاوزني في ايه ؟؟؟

أمسك أدهم يارا من معصمها ثم سحبها خلفه ، وخرج بها من المطبخ ، وتوجه بها نحو غرفة نومهما ... حاولت يارا أن تفهم منه سبب ما يفعل ،ولكنه رفض أن يجيبها ...

.................

في غرفة النوم ،،،،

أجلس أدهم يارا على طرف الفراش ثم طلب منها أن تغمض عينيها ، فاستغربت يارا من طلبه هذا و...

-يارا بتعجب : وأغمض عيني ليه ؟؟؟

-أدهم: اسمعي بس الكلام

-يارا وهي تغمض عينيها : أهوو

-أدهم بصوت هاديء : اوعي تغشي يا يارا

-يارا: لأ مش هاغش

-أدهم مازحاً وهو يشير بيدها : طب دول كام ؟

-يارا وهي تهز كتفيها : معرفش

-أدهم: بس أنا شايفك بتبصي من تحت لتحت