فريسة غلبت الصياد ©️ - الجزء الثاني - كاملة ✅

الفصل السابع عشر

الحلقة السابعة عشر :

في الغردقة ،،،،

في المنتجع ،،،

تفاجئت يارا بمن يضع ذراعه حول خصرها ، فانتفضت على الفور في رعب ..

نظرت يارا إلى ذاك الشخص الغريب الذي أمسكها من خصرها ، وبدأت في نهره بحدة ، ولكنه عَمَد إلى التحدث باللغة الانجليزية معها ، واوضح لها أنه سائح يزور الغردقة ، و أنه قد أضل الطريق ويريد معرفته .. فبدأت يارا تصف له كيفية الوصول إلى المكان الذي يريده ...

رأى أدهم ما حدث فاستشاط غضباً ، وسار مسرعاً في اتجاه يارا بعد أن ألقى بكأسي المشروب البارد اللذين كانا يحملهما في يديه ...

انصرف ذاك الشخص وهو يشكر يارا على مساعدتها له ، بينما بادلته هي الابتســـام ...

وصل أدهم إلى حيث تقف يارا ، ثم أمسكها بحدة من ذراعها ، وجذبها بشدة ناحيته و...

-أدهم بنبرة غاضبة : مين ده يا هانم اللي سايباه يحط ايده على جسمك وانتي مبسوطة أوي باللي عمله ده

حاولت يارا تهدئة أدهم الذي انفجـــر غاضباً في وجهها و..

-يارا بنبرة خافتة : اهدى بس يا أدهم وأنا هافهمك

-أدهم بضيق بالغ : أهدى ؟؟ ليه ان شاء الله ؟؟؟؟ شيفاني مركب جوز أرايل فوق دماغي ، ولا قالولك عني داقق عصافير على قفايا !!!

-يارا بنبرة هادئة : اسمعني بس ،ده سايح وكان تايه

-أدهم: سايح على نفسه ، مش على مراتي

-يارا : خلاص يا أدهم ، وبعدين هو معملش حاجة غلط ، ده عادي عندهم وأنا بهدلته

-أدهم بتهكم : لا والله بهدلتيه ! ده بأمـــارة الضحكة اللي كانت هتنط من وشك

-يارا : يا أدهم أنا خريجة سياحة وفنادق ، يعني المفروض ده شغلي وأنا آآآآ....

-أدهم: بلا سياحة وفنادق بلا قرف

-يارا : يعني عاوز السياحة تبوظ

-أدهم وهو يشير بيده بحدة : ماتولع حتى أنا مالي ، كله إلا مراتي ، أنا راجل حمش ، ومش هاقبل بالمسخرة دي تحصل

-يارا: خلاص يا أدهم ، حقك عليا متزعلش ، أنا أسفة

-أدهم: أخر مرة يا يارا ده يحصل ، وإلا هايكون في رد تاني تندمي عليه

-يارا بنبرة حادة : في ايه يا أدهم لكل ده ، ما انت كنت عمال تصيع مع الزفتة اياها وأنا معملتش كده

-أدهم وهو ينظر لها بنظرات جادة : لأ عندك ،أنا مروحتش أصيع مع حد ، وبعدين انتي مراتي ، لكن دي متفرقش معايا