عاشق المجهول (حب لا تراه الشمس)

الفصل الثامن

ربنا لا تزغ قلوبنا بعد إذ هديتنا وهب لنا من لدنك رحمة
ربنا آتنا فى الدنيا حسنة وفى الأخرة حسنة وقنا عذاب النار
اللهم رد عنى كيد الكائدين ، وأجعل كيدهم فى نحورهم
اللهم اضرب الظالمين بالظالمين وأخرجنا من بينهم سالمين

الفصل الثامن

فى منزل مريم:

تدخل غادة المنزل وعينيها تجول حولها باحثة عن خالد ، تنظر إلى مريم قائلة: هو خالد مرجعش من القاهرة ولا إيه يا عمتو

مريم: خالد .....

ولكن قبل أن تجيب يقطع حديثها خالد القادم ومعه فاطمة يضحكان سوياً فى صدمة من غادة ، ينظر خالد لغادة فى صدمة قائلاً: غادة!
بقلم أمنية الريحانى
تنظر غادة لفاطمة فى إستنكار قائلة : مين دى؟

ينظر لها خالد فى تردد قائلاً: دى فاطمة

تنظر غادة لفاطمة نظرات إحتقار قائلة: فاطمة ، ومين بقى فاطمة دى إن شاء الله ؟

مريم: دى بنت خالك يا غادة؟

غادة: بنت خالى أنا ، هو أنا ليا بنت خال .... آه أفتكرت هى دى النصابة اللي جت لمامى تضحك عليها وتقول إنها بنت خالو عاصم ، ومامى طردتها فى الشارع

وتنظر لخالد قائلة: وأنت بقى يا أستاذ خالد ، لقتها فى الشارع وجبتها على هنا

أغمضت فاطمة عينيها فى آلم من كلام غادة الجارح ، فنظر خالد لغادة فى غضب قائلاً: غادة ، بعد إذنك ، مش هسمحلك تغلطى فى فاطمة أكتر من كده

غادة: فاطمة مين دى اللي بتزعقلى عشانها ، دى حتة واحدة جاية من الشا....

قاطعها خالد قائلاً: لأخر مرة قولتلك مش هسمحلك تغلطى فى فاطمة ، فاطمة دى تبقى بنت خالك عاصم ، يعنى مش واحدة من الشارع ، وعشان تبقى عارفة هى دلوقتى مسئولة منى ، لحد ما خالك يرجع بالسلامة ، وطول ما هى هنا ، مش هسمح لحد أياً كان مين يأذيها حتى ولو كلمة
بقلم أمنية الريحانى
غادة: بقى كده يا خالد ، طب خليها تنفعك

وتتركه غادة وتغادر فى غضب ، تنظر له مريم قائلة: روح يا ابنى الله لا يسيئك هديها ، متخلهاش تسوق كده

خالد: حاضر يا ماما

ويخرج خالد راكضا وراء غادة ، أما مريم فتنظر إلى فاطمة المصدومة من حديث غادة وتضمها إلى ضدرها ، لتنهار فاطمة فى البكاء

مريم: خلاص بقى يا طمطم ، هى متقصدش تضايقك، غادة طيبة بس هى كلامها دبش كده

تخرج فاطمة من حضن مريم تمسح دموعها قائلة: بس أنا معملتلهاش حاجة عشان تعاملنى كده

مريم: يا ستى أعذريها ، تلاقيها بس أضايقت لما شافتك مع خالد

تنظر لها فاطمة فى دهشة قائلة : وهى تضايق ليه لما تشوفنى مع أبيه خالد؟