عاشق المجهول (حب لا تراه الشمس)

اقتباس جديد

حبايبى اللى زعلانين منى عشان اتاخرت عليهم والله خلاص هانت  وانا شغالة فى الجزء الثاني والله
وعشان عارفة انكم زعلانين منى نزلتلكم اقتباس جديد من الجزء الثاني

وقفت أمام مدفن أبيها ، وبعد أن قرأت سورة الفاتحة ، تنظر إلي المدفن والدموع تغمر عينيها محدثة نفسها: سيبتنى ليه يا بابا ،وأنت عارف إنى مليش حد غيرك ، سيبتنى للدنيا تجيبنى وتودينى ، طب رجعتنى مصر ليه ، ليه مسبتنيش مع خالى ، ليه خلتنى أرجع مصر وأنت عارف إن محدش فيها هيحبنى ، أنت السبب يا بابا ، لو مكنتش رجعتنى مصر مكنتش هشوفه ،مكنتش هقابله ،مكنتش هحبه كل الحب ده، الحب اللي خلانى أتعذب طول أيامى ، وهو مش حاسس، الحب اللى خلانى افضل اضحى وادى من غير ما افكر فى المقابل، الحب االى خلانى اشوف سعادتى فى سعادته ، وانسى نفسي عشانه، ويوم ورا يوم والحب بيزيد والجرح معاه بيزيد
أنا بقيت لوحدى يا بابا ، مبقاش ليا حد بعدك ،أروح لمين ، مين اللى ممكن يحمينى ويضمنى من بعدك ، مين اللي ممكن اشكيله همى ويكون حضنه واسع من بعدك ،  مين اللي ممكن يوقفلى ويجيبلى حقى وميسمحش لحد يجى عليا، مين يا بابا مين؟
يقطع حديثها صوت يأتى من خلفها قائلا : أنا يا فاطمة

يا ترى مين اللي بيكلم فاطمة ، الجزء الثاني فى مفاجات كتير  ، وقريب ان شاء الله هقولكم مفاجتى ليكم
متنسونيش من دعاءكم
أمنية الريحاني