Dance Of Fate [Serano Duology #2]

Chapter 2

Chapter 2 

Kaibigan

Puro orientation lang ang nangyari sa araw na iyon. Pagkatapos ay pinapunta kami sa lobby ng department namin para kuhanin ang ID namin na kinuhanan nung enrollment. Nagtetext si Misha dahil magkikita raw sila nung dalawang kaibigan niya na lalaki, susunduin daw siya sa department namin. 

"Sabay ka narin sa amin, dadaanan naman namin yung street niyo" wika ni Misha habang nakapila kami sa kuhanan ng ID.

"Ah hindi na. Nakakahiya" sagot ko, talagang nakakahiya lalo na at hindi ko man kakilala ang mga kaibigan niya. Umiling siya sa sinabi ko. 

"Ano ka ba! Huwag kang mahiya no! Tiyaka dadaanan naman namin pauwi yung street sa ninyo kaya pwede ka na naming ibaba ron. Yung kaunting minuto na ibaba ka, that won't hurt us" she assure me. 

Tumango ako sakaniya, binigay nanamin sa babae ang ID receiver slip namin para pirmahan na niya at makuha nanamin ang ID namin. 

"Nasa labas daw sila ng department natin" wika ni Misha tiyaka inilingkis ang braso niya sa akin. 

Nagkukuwento pa si Misha habang palabas kami ng building ng department namin. Pagkalabas namin ay agad siyang luminga para tingnan kung nasaan ang mga kaibigan niya. 

"Basta kapag nakakita ka ng dalawang magkasamang panget sabihin mo sa akin. Sila na iyon" wika sa akin ni Misha habang lumilinga-linga pa. "Sabi nila nandito lang sila" dagdag pa niya habang patuloy sa paghahanap. Luminga rin naman ako kahit na hindi ko alam ang itsura ng mga kaibigan niya. 

"Layla Misha!" Sigaw ng isang lalaki para tawagin kami. Nakita ko ang pag-ikot ng mata ni Misha dahil buong pangalan siyang tinawag ng lalaki. 

"Siya ba iyon?" Tanong ko habang nakaturo sa dalawang lalaki na mukhang kakatapos lang kinausap yung mga babae na hula ko ay ka deparment namin na nauna lang bahagya sa amin. 

"Oo ang panget diba?" Wika niya tiyaka kami pumunta don habang nakalingkis parin ang mga kamay niya sa akin. 

Nang makalapit kami, tiningnan ko ang dalawang lalaking kaibigan niya. Pareho silang matipuno at gwapo. The guy on the left side seems friendly but this one guy on our right side seems serious. Ipinagkibit balikat ko na lamang iyon. 

"Akala ko ba naghihintay kayo sa labas?" Mataray na tanong ni Misha sakanila. 

"Nasa labas naman kami" sagot ng masiyahing lalaki na tumawag sakaniya kanina. 

"Kung nasa labas kayo, pagkalabas palang namin, nakita nanamin kayo. But you are busy flirting! God! First day of school!" Ngiwi ni Misha pagkatapos sabihin nang madrama ang huling pangungusap niya. 

"Kinausap lang namin sila, they approach us first" sagot ng lalaki kay Misha "Mukhang type itong si Calvin, 'yaw mo non magkaka love life na" pang-iinis na dagdag ng lalaki sa kasama nila. 

"Haha. As if magseseryoso yang si Calvin" sagot ni Misha sakaniya "By the way, this is my friend!" Masayang pagpapakilala sa akin ni Misha. 

"Hi. Ahm. Krizette Claire" nahihiyang bati ko sakanila.

"Hello! I'm Jefferson, just Jefferson" natatawang wika niya "And here is Calvin Karl Serano the famous one" sabay akbay ni Jefferson kay Calvin, naiiritang ginalaw ni Calvin ang pagkaka-akbay sakaniya ni Jefferson. 

"Don't mind them, ganyan lang talaga sila. Malay mo sila pa magkatuluyan" bulong sa akin ni Misha kaagad naman umangal si Jefferson sa bulungan.

"Hoy hoy. Layla Misha, anong binubulong mo?" Tanong ni Jefferson na mukhang alam niya na sila ang pinag-uusapan. Napaikot ng mata si Misha dahil sa sinabi ni Jefferson.