Dance Of Fate [Serano Duology #2]

Chapter 22

Chapter 22

Emergency

Maagang enrollment ang naganap sa university kaya alas tres palang ay nakabihis na ako. Hinihintay ko nalang si Calvin, sabi niya malapit na raw siya. Maaga kami dapat makapila para hindi kami maubusan ng slot, ubusan din kasi lalo na sa mga magagaling na prof.

Lumabas na ako sa kwarto, wala pa akong magawa kaya kinuha ko na ang rice cooker tiyaka nagsaing ng kanin para pagkagising nila ay iinitin nalang nila ito. Habang hinihintay kong maluto ang kanin, tiningnan ko muna ang kwarto ni Anjo para tingnan silang dalawa ni Karlo baka kasi hindi pa sila natutulog. Minsan ay inuumaga nila sa kakalaro sa isang mobile game.

Nang maluto ay inalis ko na sa pagkakasaksak ang rice cooker tiyaka naglagay ng note na initin nalang. Magpiprito pa sana ako ng almusal nang mag vibrate ang cellphone ko.

Calvin:

I'm outside.

Hindi ko alam pero napangiti nalang ako bigla. Kinuha ko na ang envelope kung saan nakalagay ang grades ko na nakaprint. Chineck ko muna ang laman ng back pack ko kung kumpleto na ang mga gamit ko. Mabuti nalang at matataas ang mga nakuha kong grades noong first year kami dahil hindi ako nawalan ng scholarship. Nag-apply pa ako sa ibang scholarship para hindi na magkaroon ng problema sina mama sa allowance ko.

Inayos ko ang jacket ko dahil malamig kapag madaling araw. Nag-message narin sa akin si Misha na papunta narin sila sa university.

Sinarado kong mabuti ang pintuan tiyaka tumuloy sa kotse ni Calvin. Oo nga pala, hindi ko pa siya napapakilala kina mama dahil hindi pa naman tapos ang bakasyon.

"Good morning" bati niya sa akin pagkapasok ko palang. Ngumiti ako sakaniya tiyaka ko rin siya binati. "Did you eat breakfast?" Tanong niya sa akin. Ngumuso ako dahil hindi pa ako nakakain ng breakfast.

"Nag kape naman ako" ngiting sagot ko sakaniya pero kumunot ang noo niya.

"So you didn't eat breakfast. Let's have a drive thru" wika niya bago nagsimulang magdrive.

"Ako na magbabayad sa order ko" wika ko sakaniya habang nagmamaneho siya, aangal na sana siya kaso nagsalita ulit ako "May tatlong choices; Una, ako magbabayad sa order ko. Pangalawa, ako magbabayad sa order ko at order mo. O pangatlo, hindi tayo kakain" napaawang ang labi niya sa sinabi ko kaya napangisi ako.

Ayaw ko na lagi niya akong nililibre. Alam ko naman na nakasanayan na nating mga Pilipino na ang laging gumagastos kapag lumalabas ang magkasintahan ay ang lalaki pero para sa akin mali na laging lalaki ang gumagastos, kailangan pantay lang ang gumagastos. Minsan, kung sino pa ang sumisigaw ng gender equality isa rin sa mga sumisigaw na lalaki ang dapat magbayad.

"You always know how to get me" umiiling na wika niya. Natawa ako, pati naman siya alam niya kung paano ako hulihin.

Dumaan kami sa isang fast food chain tiyaka nag order ng breakfast meal. Pumayag siya na kanya-kanyang bayad kami ngayon. Habang kumakain kami papunta sa school ay tumunog ang cellphone niya. Pinindot niya naman ang screen sa kotse para sagutin ang tawag.

"Dude, nasaan na kayo? Ang dami ng nakapila. We're not high school anymore" rinig kong wika ni Jeff sa kabilang linya.

"Malapit na kami" sagot ni Calvin. Narinig ko ang pagsinghap ni Jeff sa kabilang linya.

"Baka maunahan pa kayo ng iba, bilisan niyo na habang hindi pa nadadagdagan ang mga nasa pila" tumango si Calvin na para bang nakikita siya ni Jeff tiyaka pinatay ang tawag.

Hindi na binilhan ni Calvin sina Jeff ng breakfast meal, sabi niya sure siya na nag drive thru narin ang dalawa dahil mangungulit si Misha.

Nagpark na si Calvin tiyaka kami bumaba. Tinawagan ko naman si Misha para itanong kung saang banda sila. Makarami naman si Jeff akala mo isang daan na ang mga nakapilang estudyante. Nasa mga singkwenta palang siguro.