ကုတင်ပေါ်မှာမေ့မျောနေတဲ့သူကိုကြည့်ရင်း ကိုယ့်ရင်တွေကွဲရပါတယ်.. လက်မောင်းကအမှတ်ကို ဖယ်ရှားနိုင်ခဲ့ပေမဲ့ အနာအရှိန်ကြောင့် အခုထိသတိမရသေးတာကြောင့် ကုတင်ဘေးနားလေးမှာ လက်ကလေးကိုကိုင်ကာ ရှောင်ကျန့် ထိုင်စောင့်နေသည်။
"ဒီတောက မင်းပိုင်နက်လေ...ဘယ်လိုမကောင်းဆိုးဝါးမျိုးက မင်းပိုင်နက်ကိုကျော်လာရဲရတာလဲ... ''
ဝမ်နင်သေချာစဥ်းစားပြီးမေးခွန်းထုတ်လိုက်သည်။ ချစ်ရသူကိုကြည့်နေတဲ့မျက်ဝန်းတွေက ရုတ်ခြည်းဆိုသလိုပျောက်ကွယ်သွားသည်။
"ကျင်းကွမ်းယောင်...!''
"မင်းကဘာလို့အဲ့လိုထင်ရတာလဲ... ''
မနေ့ညကဖြစ်ခဲ့တဲ့အဖြစ်အပျက်ကို ဝမ်နင်ကိုအကုန်ပြောပြလိုက်တယ်...ဝမ်နင်ရဲ့မျက်နှာမှာ မယုံနိုင်တဲ့အရိပ်အယောင်တွေပေါ်နေသည်။
"အဲ့နေ့က ငါတို့အစည်းအဝေးလုပ်ကြတယ်..ကောင်းကင်စစ်တပ်တိုးချဲ့ဖို့အတွက်..ကျင်းကွမ်းယောင်လည်းအဲ့ပွဲကိုတတ်ပါတယ်..ဒါပေမဲ့ဘယ်လိုလုပ်ပြီးသူကမင်းဆီကိုလည်းရောက်လာရတာလဲ..''
"ငါ့ဆီရောက်လာတာက ပုံရိပ်သက်သက်ပဲပေါ့...''
"ဖြစ်နိုင်တယ်..သူဘာအကွက်တွေထွင်နေတာလဲ? ''
"ဘယ်အကွက်ပဲထွင်ထွင်...အဆုံးမှာငါ့ဆီကိုပဲဦးတည်လာမှာပဲ..ဟက်..ငါ့ထိရင်ဘာမှမဖြစ်ပေမဲ့..ရိပေါ်ကိုထိရင်တော့...''
စူးရှနေတဲ့မျက်ဝန်းတွေဟာ ကုတင်ပေါ်မှာမှေးစက်နေတဲ့ချစ်ရသူကို ကာကွယ်လိုစိတ်အပြည့်...ဝမ်နင်သက်ပြင်းဖြည်းဖြည်းသာချမိသည်။
လက်ချောင်းလေးတွေလှုပ်ရှားလာတဲ့သူကြောင့် ရှောင်ကျန့် စိတ်လှုပ်ရှားသွားရသည်။ ချစ်ရသူပြန်နိုးလာပြီ..။
နှလုံးနဲ့ လက်မောင်းအနာကိုစမ်းပြီး စိတ်ချရတယ်ဆိုမှ... ရှောင်ကျန့် စိတ်လျော့လိုက်သည်။ဆုပ်ထားတဲ့လက်ကို ဆတ်ကနဲဖြုတ်ပြီး ဟိုဘက်ကိုလှည့်လိုက်တဲ့သူကြောင့် စိတ်ဆိုးမပြေသေးဘူးဆိုတာ သိလိုက်ရသည်။ကုတင်ဘေးနားကလွတ်နေတဲ့နေရာလေးမှာ ရှောင်ကျန့်ဝင်လှဲလိုက်ပြီးရိပေါ်ကိုအနောက်ကနေသိုင်းဖက်ထားလိုက်သည်။
![](https://img.wattpad.com/cover/209422682-288-k91373.jpg)
YOU ARE READING
Dark Love 's Prince (Completed) (Zhanyi)
FanfictionWang Yi Bo × Xiao Zhan Fanfic: Kayay Dark Love 'prince :Xiao Zhan Rich Kid: Wang Yi Bo