The Knights of St. Harfeld

3- An Accident

Mathematics nanaman. Sakit nanaman sa ulo. Dalawang minuto na lang at papasok na sa classroom ang teacher nina Fenris na si Miss Kitty. Isa itong cute na middle-aged woman na pandak at chubby. Palaging colorful ang mga bestida nito at sapatos. Lage itong naka-headband ng kitty ears at may eyeglasses na kasing kapal ng telescope. Pakiramdam ni Fenris ay nakikita nito pati kaluluwa n'ya kapag napapatingin ito sa kanya. Nakakatakot tuloy mangodego.

At nakakaantok itong magturo. Alam ni Fenris na mahirap ang Math pero kaya naman siguro kung marunong magturo ang teacher. Pero itong si Ms. Kitty? Doomed na si Fenris unang araw pa lang ng klase.

At ngayon ay may pa-quiz daw ito.

"The hell lang," yamot na bulong ni Fenris.

Mabilis na tumayo ang dalaga saka hinablot ang backpack n'yang kulay purple. Yup, purple ang paborito niyang kulay. Why? Hindi na dapat tinatanong 'yan. Dahil sa Order!

"Kilmar, bathroom lang..." hindi n'ya naituloy ang sasabihin nang ma-realize na bakante ang katabi niyang upuan.

Ngayon lilipat si Kilmar at ang ama nito sa labas ng Saas. Bawal tumira sa capital ang mga Lower Class. Natanggal din sa trabaho ang ama nito. Hindi na ito isang engineer.

Nanikip nanaman ang dibdib n'ya.

Then she didn't have time to continue sukling. One minute na lang at mawawalan na siya ng chance na makawala sa paparating na delubyo. She stood up.

"Good morning, class!"

Natampal na lang ni Fenris ang kanyang noo at hopeless na napabuga ng hangin.

"Ms. Paynes, please sit down," ani Miss Kitty.

Nangalumbaba na lang siya hanggang sa dahan-dahan na siyang hinila ng antok. Hindi naging hadlang ang matinis na boses ng kanilang teacher sa pagpunta niya sa dreamland.

Knight Fenris Rose Paynes.

Knight Fenris!

Knight Fenris!

Napangiti siya habang sinisigaw ng crowd ang kanyang pangalan. She just received her title and everyone was happy.

Knight Fenris!

Knight Fenris!

Napakunot ang noo niya nang nagbago ang ekspresyon ng mga tao. Parang inaantok ang mga ito.

Knight Fenris... pahina nang pahina ang boses ng crowd na parang nadi-distort pa.

Ano'ng problema? Ayaw ba ng mga ito na isa na siyang knight?

"Good night, Fenris! Bahala ka d'yan!" gulat na napatayo ang dalaga nang marinig ang malakas na sigaw ni Kilmar.

Ano'ng good night pinagsasabi nito?

Agad na nasagot ang tanong niya nang tumambad sa paningin niya ang madilim na paligid. And it was so freaking cold!

Nakatulog siya buong araw?

And Kilmar, even though he wasn't here, woke her up. He was still taking care of her kahit na nasa malayo na ito.

Then she heard a howling sound. The wind?

A ghost?

Tumingin siya sa nakasarang bintana. Kahit seventeen na siya ay takot pa rin siya sa multo. Hindi pa siya naka-graduate sa stage na 'yan.

Pinulot niya ang backpack na nasa sahig na pala saka siya dahan-dahang humakbang palabas ng classroom.

"Bakit walang gumising sa akin? Nakakainis naman oh," naiiyak n'yang bulong.