အချစ်စစ်ဖြစ်ခဲ့ပါလျှင် [If It was True Love]{Complete}

EP 3(Uni+Zaw)

#Unicode#

"ခလေး"

"အင်း..... ပြော ကိုဟိဏ်း"

"ကို့ကို ချစ်လား"

"ပြောနေစရာမှ မလိုတာ.....ချစ်တာပေါ့လို့"

"အဲ့တာဆို အာဘွားပေးလေ"

"ဟာ  ကိုဟိဏ်းကလည်း ရှက်စရာကြီးကို"

"ခလေးကလည်းကွာ ဘာရှက်စရာရှိလို့လဲ.....ကိုတို့ နှစ်ယောက်ထဲဘဲ ရှိတဲ့ဟာကို"

"ရှက်ပါတယ်ဆိုမှ ကိုဟိဏ်းနော်"

"ပေးပါနော်..... နော်.....နော်လို့"

"ဟာ လူဆိုးကြီး" လို့ ရေရွတ်ရင်း လိမ့်လိုက်တော့ ဇေယျာ တစ်ယောက် ခုတင်ပေါ်က လှိမ့်ကျသွားလေသည်။

"အား....." ဆိုသည့် အသံလေးထွက်လာပြီး ဇေယျာမှာ အထိနာသွားသော ကျောကုန်းလေးကို အသာလေး ပွတ်သပ်လိုက်၏။

"ဟင် ငါ ကိုဟိဏ်းကို အိမ်မက်ပြန်ပြီလား...."ဆိုပြီး ခေါင်းလေးကုတ်ကာ ကိုယ့်ကိုယ်ကို တစ်ယောက်တည်း တွေးပြီး ရှက်သွေးဖြာနေလေသည်။

တစ်ယောက်တည်း တွေးပြီး ပြုံးနေရင်း ရေမိုးချိုးဖို့ ပြင်လိုက်သည်။ ရေမိုးချိုးပြီးတော့ နွေးနွေး‌ထွေးထွေးလေး ၀တ်ကာ ဇေယျာ မနက်စာ၀ယ်ဖို့ အတွက် cafeကို ထွက်လာခဲ့လိုက်သည်။ နောက်ထပ်များ မနေ့က ကြားခဲ့ရတဲ့ အသံပိုင်ရှင်ကို ထပ်တွေ့ရလေမလားဆိုသည့် အထင်နှင့် "Meet U" cafeကိုဘဲ သွားတာ ဖြစ်သည်။

ထုံးစံအတိုင်း ဇာမဏီဟိဏ်းနဲ့ တွေ့ရင် မှာနေကြအတိုင်း
Cappuccino တစ်ခွက်နဲ့ sandwichမှာထားလိုက်၏။ ပြီးနောက် စားပွဲခုံလေးမှာ ထိုင်စောင့်နေပြီးတော့ ဘေးဘီကို ‌ကြည့်နေမိသည်မှာ ခဏခဏပင်။

ပြီးတော့လည်း "တိုက်ဆိုင်တာလား၊ ဒါမှမဟုတ် ကိုဟိဏ်းလား" ဆိုပြီး ဇေယျာ တစ်ယောက် စဉ်းစားနေလေ၏။

မှာထားတာတွေ လာပေးတော့ ပိုက်ဆံရှင်းပြီး ကိုယ့်ဆိုင်ဖွင့်ဖို့ အတွက် cafeဆိုင်ထဲက ပြန်ထွက်လာခဲ့လိုက်ရသည်။ အသံပိုင်ရှင်ကို ထပ်မတွေ့ရရုံဘဲ ရှိတာပေါ့။

ဆိုင်ရှေ့ကို ရောက်တော့ မိုးထက်က စောပြီး ရောက်နေပြန်လေပြီ။ ဇေယျာလည်း အားနာတာကြောင့် ဆိုင်တံခါးကို အမြန်ဖွင့်လိုက်ရသည်။ မိုးထက်ကတော့ ဆိုင်ထဲ၀င်ပြီး အပြင်မှာထားရမယ့် ပစ္စည်း‌တွေကို ရွေ့လိုက်၊ အထဲ၀င်လိုက် ထွက်လိုက် လုပ်နေလေသည်။ ဇေယျာလည်း ပန်းလေးတွေကို ရေဖြန်းနေလိုက်သည်။ မိုးထက်ကလည်း ပစ္စည်းတွေကို အပြင်ထုတ်လို့ပြီးသွားပြီလေ။ ဒါနဲ့ ဇေယျာလည်း မနေ့က ပန်းခြင်းလာမှာတဲ့ အကြောင်း မေးဖို့ မိုးထက်ကို လှမ်းခေါ်လိုက်သည်။