- day 11;
စုံတွဲလေးကတော့ စောင်တွေ ၊ ခေါင်းဦးတွေ ၊ မုန့်တွေနဲ့ မနှစ်က၀ယ်ထားတဲ့ တယ်လီစကုပ်ကိုပါယူပြီး သူတို့တိုက်ခန်းအဆောက်အဦးရဲ့ အပေါ်ဆုံးထပ်ကို သွားနေကြသည် ။ ကြယ်တွေကြည့်ရင်း ညကိုဖြတ်သန်းကြမည် ။
ခေါ်မိုးပေါ်မှာရှိတဲ့ သစ်သားပြားကြီးပေါ်မှာ စောင်တွေကို ခင်းချလိုက်သည် ။ ဒါမှသူတို့ မချမ်းမှာလေ ။ Jungkook တယ်လီစကုပ်နဲ့ ကြယ်တွေကို ကြည့်လိုက်ပေမဲ့လည်း မတွေ့တာမို့ လက်လျော့လိုက်သည် ။
" အသုံးမကျလိုက်တဲ့ kookie " ဖွဖွလေးရယ်ရင်းနှင့် Jungkook လက်မောင်းကို Jimin ဖြတ်ခနဲ ရိုက်လိုက်သည် ။
ခေါင်းဦးလေးကို ရင်ခွင်ပိုက်ရင်း Jungkook ပုခုံးပေါ် ခေါင်းမှီကာ ညကောင်းကင်ကို သူတို့ကြည့်နေမိသည် ။
နေမင်းကြီးက အနားယူလို့ လမင်းလေးက သူ့နေရာယူကာ အမှောင်ထုက လောကကိုဖုန်းလွှမ်းလာတယ် ။ လိမ္မော်ရောင်နှင့်ခရမ်းရောင် ရောနှောနေသောကောင်းကင်က ကြီးမားကျယ်ပြန့်ပြီး ပြောင်လက်တဲ့အနက်ရောင်ကောင်းကင်ကြီးအဖြစ် ပြောင်းသွားပြီး တစ်မြို့လုံးကို ကြီးစိုးလို့သွားသည် ။ တလက်လက် ငွေကြယ်ပွင့်တွေဟာ မဟူရာကောင်းကင်တွင် နေရာအပြည့်ယူလာသည် ။
" အချစ်လေး "
" ဟင် "
" လွန်ခဲ့လက ကိုယ်ရေးထားတဲ့ သီချင်းကလေ ကိုယ်တို့ရဲ့ နှစ်ပတ်လည်နေ့က ထွက်တာ အဲ့သီချင်းကိုသိလား "
" တကယ်ကြီး ? သီချင်းနာမည်ကဘာလဲ "
" သီချင်းနာမည်က Magic Shopတဲ့ " သီချင်းရေးနေစဉ်နှင့်သီချင်းခေါင်းစဉ်ပေးခဲ့တဲ့ အချိန်ကို သတိရမိရင်း Jungkook စကားကို ဖြည်းဖြည်းလေးပြောမိသည် ။ အဲ့ဒီ့အချိန်တုန်းက သူ့စိတ်တွေဟာ Jimin အကြောင်းတွေနဲ့ပဲ ပြည့်နှက်လို့နေခဲ့သည် ။ သူတို့ကော်ဖီဆိုင်မှာ ဘယ်လိုစတွေ့ခဲ့လဲဆိုတာတွေ ၊ Jimin အလုပ်ကို အနှောက်ယှက်ပေးမိတာတွေ ၊ Jiminကို နောက်ပိုးပြီး သူ့အပိုင်အဖြစ် လုပ်ခဲ့တာတွေကိုပေါ့ ။
သူ့အတွက်တော့ Jiminဟာ သူ့ရင်ခုန်သံတွေကို ကမောက်ကမ ဖြစ်စေတဲ့ မှော်၀င်ပီယဆေးလေး တစ်ခုလိုပဲ ။ Jiminကို ချစ်ရတာဟာ ဆန်းကြယ်မှုတစ်ခုလိုခံစားရပြီး ငယ်ငယ်ကလေးဘ၀တွေက အိပ်ရာ၀င်ပုံပြင်တွေထဲကို ဗြုန်းဒိုင်းကြီး ရောက်သွားရတာနဲ့လည်းတူတယ် ။
YOU ARE READING
30 Days
Fanfictionat the end of the 30 days,you will know everything! ရက်ပေါင်း၃၀ရဲ့အဆုံးသတ်မှာ မင်းအရာအားလုံးကို သိခွင့်ရမှာပါ။ Genre:romance,angst Jikook ⚠MM Translation⚠ Full credit to @Jikookcaramel.