- day 19 ;
" များများစား မင်းပိုပြီးတော့ ပိန်လာတယ် " Jimin ပန်းကန်ထဲ အသားဖတ်နဲ့အရွက်တွေကို ထည့်ပေးရင်း Jungkook ပြောလိုက်သည် ။
" ငါအဆင်ပြေပါတယ် kook စိတ်ပူစရာမလိုဘူး ဟုတ်ပြီလား ? " Jiminက အပြုံးလေးဖြင့် ပြန်ပြောသည် ။
" ကောင်းပါပြီ ဒါပေမဲ့ ကိုယ်မင်းအနားမှာမရှိတော့ရင်လည်း အစားပုံမှန်စားပါ့မယ်လို့ ကတိပေးရမယ် "
" ပေးတယ် " Jimin ကော်ဖီကို ဖြည်းဖြည်းချင်းသောက်ပြီး နှစ်ယောက်လုံး တိတ်တဆိတ်နှင့် စားစရာရှိတာကိုပဲ စားနေလိုက်သည် ။
__
အနားတွင် Jungkook ထွန်းညှိ့ထားသည့် အမွှေးဖယောင်းတိုင်တွေနှင့် လာဗင်ဒါနံ့သင်းသည့် ရေချိုးကန်ထဲတွင် Jimin နှင့် Jungkook ဇိမ်နပြေနှင့် ထိုင်နေကြသည် ။
Jungkook ထိုအမွှေးဖယောင်းတိုင်တွေအကြောင်း Naverကနေ သိရတာဖြစ်သည် ။ အမွှေးဖယောင်းတိုင်၏ ရနံ့က လူတစ်ယောက်ကို စိတ်ကျေနပ်မှုတွေ ပေးစွမ်းနိုင်ပြီး ခံစားချက်တွေကိုပါ လျော့ချပေးသည်တဲ့ ။ ဒါဟာ အခုချိန်မှာ Junngkook လိုအပ်နေတဲ့အရာပေါ့ ... ။
Jiminက သူ့အရှေ့မှာ အေးစက်နေတဲ့ ရေချိုးကန်ဘောင်ကို ခေါင်းမှီပြီး မျက်လုံးမှိတ်ကာ ထိုင်နေလေသည် ။
" တွေးစရာတွေ အများကြီးရှိနေတဲ့ပုံပဲ "
Jungkookပြောတော့ Jiminက ထလာပြီး ကလေးတစ်ယောက်လို ဆပ်ပြာမြှပ်တွေနှင့် ကစားကာ ခေါင်းခါပြသည် ။
" ဒီကိုလာ " Jungkookအနားကို Jimin အမြန်သွားပြီး ရေစိုနေတဲ့ Jungkook ရင်ဘက်ပြင်မှာ ခေါင်းမှီလိုက်ပြန်သည် ။
Jimin ကိုယ်ကို Jungkook တင်းကြပ်နေအောင် ဖက်လိုက်ပြီး ကိုယ်ငယ်လေးဆီကနေ သူ့ဆီကူးပြောင်းလာနေတဲ့ နွေးထွေးမှုကို ခံစားနေမိသည် ။ ရှေ့လျှောက်မှာ သူဘယ်လိုအဆုံးသတ်သွားမလဲလို့ တွေးမိတော့ Jungkook ခန္ဓာကိုယ်ဟာ တင်းမာလာသည် ။
" Jungkook ဘာဖြစ်လို့လဲ မင်းရင်ခုန်တာတွေမြန်ပြီး မင်းကိုယ်ကလည်း တောင့်တင်းလာသလိုပဲ " Jimin တိုးတိုးလေး ပြောလိုက်သည် ။
YOU ARE READING
30 Days
Fanfictionat the end of the 30 days,you will know everything! ရက်ပေါင်း၃၀ရဲ့အဆုံးသတ်မှာ မင်းအရာအားလုံးကို သိခွင့်ရမှာပါ။ Genre:romance,angst Jikook ⚠MM Translation⚠ Full credit to @Jikookcaramel.
