Obsessed Psychopath

Chapter 4

ZELLE'S POV

"Nakahanda na ba ang lahat? Baka may nakalimutan pa kayo. I don't want a hassle vacation trip for us." Sabi ni Kuya Gray at chinecheck kung may mga naiwan pa ba kaming mga gamit.

Ngayon ay napagplanuhan ng mga kapatid ko na magbakasyon kami ngayon sa Puerto Galera, Oriental Mindoro. Hindi na kami lalayo pa sa ibang bansa para magbakasyon at dito nalang muna sa Luzon naisipang mag-unwind.

"Ready na ready na kami. I'm so excited!" Sabi naman ni Elijah at sinuot ang hawak niyang shades.

Nasa Maynila pa rin hanggang ngayon si Yves at baka next week na siya makauwi dito sa San Vicente. Mukha ngang busy siya ngayon sa pagtulong sa kompanya ng mga magulang niya. Tinext ko siya at sinabing magbabakasyon muna kami ng dalawang araw ng mga kapatid ko sa Oriental Mindoro at sinabi naman niyang mag-iingat ako at i-update ko raw siya sa mga mangyayari sa akin doon.

"How about you, Zelle? Ready ka na ba?" Tanong sa akin ni Kuya Gray.

Ngumiti ako at tumango. "Ready na, kuya." Sabi ko naman at nagthumbs-up pa.

Kaagad naman nilang inilagay ang mga dala naming maleta at bag sa backseat ng sasakyan namin pagkatapos ay sumakay na kami sa loob ng sasakyan. Si Kuya Gray ang magmamaneho habang katabi niya si Kuya Ian samantalang katabi ko naman sa passenger seat si Elijah na naka headset habang nakikinig ng music sa hawak niyang tablet.

Habang inilalabas ni Kuya Gray ang sasakyan namin sa labas ng gate ay kitang-kita namin ang grupo ng mga kalalakihang nakatambay sa harapan ng bahay namin. Napailing naman si Kuya Gray habang nagmamaneho.

"Inaabangan ka na namang lumabas ng mga asungot na 'yan." Sabi niya sa akin.

Sandali namang lumabas mula sa sasakyan si Kuya Ian at nakita kong pinapaalis niya 'yung mga lalaking nakatambay sa harapan ng bahay namin saka nito isinara ang gate namin at muling pumasok ng sasakyan.

"Ang dami mo talagang admirers ate," Natatawang sabi ni Elijah. Inirapan ko naman siya.

"Kaya ikaw, 'wag na 'wag kang lalabas ng bahay hangga't wala kang ibang kasama, Zelle. Mahirap na at baka may mangyari pang masama sa'yo at bigla kang gawan ng masama ng mga lalaking 'yon." Sabi naman ni Kuya Ian habang sinusuot ang seatbelt niya.

"Okay po, kuya." Sabi ko nalang at sumandal sa upuan ng kotse.

They are being overprotective again and I'm glad that they really takes care of me.

Makalipas ng ilang oras ay nakarating na rin kami sa airport at sumakay na sa eroplano. Pinakuha muna ni Kuya Gray ang sasakyan sa driver namin bago kami umalis. It takes 1 hour and 15 mins. para makarating kami sa Oriental Mindoro kaya ang ginawa ko muna ay natulog sa buong biyahe namin. Hindi rin nagtagal ay nakarating na rin kami sa Oriental Mindoro at nagtungo kaagad sa Seashore Beach Resort na nasa Puerto Galera.

Pagkarating namin sa Seashore Beach Reasort ay pumunta kami sa reception area. Natawa naman kaming dalawa ni Elijah nang makita naming parang natulala ang mga babaeng receptionist pagkakita kila Kuya Gray at Kuya Ian na nagpapabook para sa tutuluyan namin.

I can't blame those receptionist. My brothers known as the most handsome and hottest bacholer in San Vicente.

Nang makuha na namin ang room number ng tutuluyan namin ay kaagad na kaming nagtungo doon. Magkasama sa iisang room sina Kuya Gray at Kuya Ian habang kasama ko naman sa katabing room lang nila si Elijah. Nagpalit muna kami ng summer beach attires at nakaramdaman naman kami ng gutom kaya napagpasyahan namin na kumain muna.

Nang makalabas na kami ni Elijah sa room namin at pati na rin sina Kuya Gray at Kuya Ian ay napatitig naman sila sa akin at sa suot ko.

"Tsk! Bakit kahit hindi naman gaanong karevealing ang suot mo ay sa tingin ko pagpapantasyahan ka pa rin ng mga lalaking makakakita sa'yo?" Sabi ni Kuya Ian at napakamot pa ito sa ulo niya.