C H A I N E D (MarriageSeries#1) -COMPLETED

KABANATA 2

"I called you pero pinagpatayan mo ako. Ano ka ngayon?" paninisi sa 'kin ng kaibigan ko.

Nandito kami ngayon sa isang cafe malapit sa mall. Dito namin napag-usapang magkita noong tumawag ako sa kanya pagkaalis ng fiance ko kuno.

"May alam ka ba sa mga pinaggagawa ko no'ng lasing ako?" desperada kong tanong.

Huminga naman siya nang malalim at saka ako tiningnan ng may pagkabigo. "Wala ka talagang naaalala sa mga nangyari?" paninigurado niya.

"Ayesha, magtatanong ba ako kung mayroon?" inis kong tanong at ininom ang kape ko.

Uminom muna rin siya sa tasa niya at saka nagsimulang magkwento. "Lasing ako no'n pero medyo tanda ko kung anong mga nangyari..." pagsisimula niya. "Umalis ka sa p'westo natin, siguro para gawan ng paraan na makauwi tayo pero nagulat ko nang pagbalik mo may kasama ka na. Yes, it's your freakin' hot husband to be."

Napaayos naman ako ng upo at lalong nakinig sa kanya.

"Inaalalayan ka niya, ghorl, sabog na sabog itsura mo no'n." She laughed hard like she could still see what I looked like at that moment.

"So, 'ayon nga tinanong ko siya kung bakit nando'n siya at kung bakit hawak ka niya. He said, nagkataon daw na nasa same bar tayo tapos sakto rin na tumawag si Tito. Alam daw kasi ni Tito na nando'n din siya sa bar kaya pinakiusapan na niya jowabels mo."

"Then, fastforward, nasa sasakyan na niya tayo. Sukang-suka ka na niyon." Tumawa siya sa pag-alala sa mga nangyari. "Sabi mo pa, "Hey fiancé, pwede itigil mo saglit ang sasakyan? I'm going to puke." Ghorl, kapal ng feslak mo that time."

Nagpatuloy siya sa pagtawa habang nagkukwento, ako naman ay wala nang nagawa pa kundi takpan ang mukha ko sa kahihiyan.

"Natakot siguro si lolo mong sukahan mo ang sasakyan niya kaya 'ayon itinigil. Dali-dali ka namang lumabas, halos nagkandadapa-dapa ka dahil 'di ka makalakad nang maayos. Ito namang fiancé mo mala-super hero, agad sumunod sa 'yo para alalayan ka," kinikilig niyang sabi. "Pagkatapos n'yon, inihatid niyo na ako sa bahay. 'Yon lang ang tanda ko dahil hanggang do'n lang naman ako kasama pero bago ako bumaba narinig pa kita na kinausap siya." Tiningnan niya ako nang seryoso kaya naman napalunok ako.

"W-What? A-ano'ng sinabi ko at gan'yan ka makatingin?" kinakabahan kong usisa.

"B*tch, you just asked him to sleep with you. No, not just asked, you pleaded for heaven's sake."

Para akong naubusan ng lakas sa mga sinabi niya. Ayesha is not a liar, hindi rin uso sa kanya ang nagpa-prank.

"Damn, Ayesha," I said bago pinagtagpi ang lahat.

Kaya pala katabi ko siya nang nagising ako.

"Andrei Villa Cruz, your fiancé, Ms. Monasterio."

Nalaglag ang panga ko habang nakatingin sa kanya. He's my freakin' fiancé?

"C-Cassandra M-Monasterio," I barely manage to say bago nakipagkamay sa kanya.

Hindi ko alam kung guni-guni ko ba o talaga nakita kong ngumisi siya.

Pakiramdam ko ito na ang pinaka nakakahiyang pangyayari sa buong buhay ko.

I slept with my fiancé? I fvcking slept with him.

"Natutuwa ako, anak, dahil mukhang magkasundo na kayo nitong mapapangasawa mo," pagsingit ni Daddy sa amin.

Hindi ko na nagawang ipagpatuloy ang aking pagkain dahil sa gulat at kahihiyan.

"Oo nga. Kahit ako nagulat nang pilitin mo si Andrei na matulog kasama mo," natutuwang sabi ni Mommy.