Kristine 12 - Rose Tattoo (UNEDITED)(COMPLETED)

37

IKALAWANG araw makabalik sa Maynila ay nakipagkita si Billie kay Luke sa isang kilalang restaurant.

"Where the hell have you been, Billie?" bungad ni Luke matapos ibigay ang order sa waiter. "Isang linggong mahigit kang hindi tumatawag. Walang tao sa bahay ng ex-husband mo."

"I'm here now, that's all that matters, hindi ba?" She smiled sweetly.

Ginagap ni Luke ang kamay niya. "I read in the papers na namatay na ang socialite matriarch na si Erlinda Gascon. Iyon ba ang dahilan kung bakit nawala kayo ng isang linggo?"

Tumango si Billie. "I have talked to Lance, Luke, at makikipag-usap siya sa mga abogado niya para ayusin ang annulment naming dalawa." Nasisiyahang ngumiti ang lalaki. Nagpatuloy si Billie. "But I don't think I will be entitled to an alimony."

"What do you mean?" Nangunot ang noo nito at nawala ang ngiti. "Bilang legal niyang asawa ay karapatan mong magkaroon niyon at—"

"I forgot to tell you that we had a prenuptial agreement at wala akong karapatan sa salapi ng mga Navarro provided na kusang ibigay ni Lance ang kaukulang halaga para sa akin."Ilang sandaling hindi makapagsalita si Luke. Kitang-kita sa mukha nito ang matinding panghihinayang. Sumandal sa upuan. "Damn the man!" Susundan pa sana nito ang sinasabi nang lumitaw ang waiter at ibaba ang pagkain nila.

"We both love each other, Luke. Iyon naman ang mahalaga, 'di ba?" she said solemnly nang makaalis ang waiter. "Perhaps when we are married I'll give up my job as a horse breaker at lilipat ako sa apartment mo..."

"Maliit ang apartment ko, honey," mabilis nitong sinabi at sinabayan ng ngiti. "In fact, naisip kong ipagbili na lang iyon. Maybe we can buy a bigger one 'pag kasal natin."

She smiled. "Ikaw ang bahala. Ipinauubaya ko sa iyo ang lahat pagdating sa finances. Anyway, nakalagay sa testamento ng Daddy na sa sandaling mag-asawa ako ay hindi na ako dapat manatili sa ranch," she lied.

Muling nagdikit ang mga kilay ni Luke. "Ano ang ibig mong sabihin?"

"Daddy's prosecutor will take over at naroon naman ang dalawang matanda para mag-asikaso kay Angeli. Dadalaw na lang ako paminsan-minsan."

"But what about the ranch? Sino ang mangangasiwa?" Napaangat mula sa upuan ang lalaki.

"Bahala na ang abogado roon, Luke. I don't own the ranch. My father willed it to my younger sister," at kung hindi lang sa itinatagong galit sa dibdib niya, she would have laughed aloud sa anyo nito nang marinig ang sinabi niya.

Ilang sandali ang lumipas bago muling nagsalita si Luke. Inabot ang baso ng tubig at uminom. 

Pagkatapos ay muling ginagap ang palad niya at dinala sa bibig. "Poor darling," wika nito na ngumiti. "I'll take care of you, Billie Rose. At dahil halos tapos na ang problema mo sa mga Navarro, sa apartment ko ikaw uuwi ngayon, honey." bagaman nakangiti ay nahimigan ni Billie ang emphasis sa sinabi nito. Nilinga nito ang maitre d' at hiningi ang bill gayong ni hindi halos nagagalaw ang pagkain. "Let's get out of here, honey."

"N-no, Luke. Inaasahan ni Franco Navarro na uuwi ako ngayon sa mansiyon."

"Forget your father-in-law, Billie." nasa mukha nito ang determinasyong isama siya. "Tapusin mo ang pagkain mo at sa bahay natin pag-usapan ang tungkol sa atin."

"Oh, I don't think so, Mr. Wendell." si Franco mula sa likuran sa gulat ng lalaki.

"Who are you?" halos pasinghal nitong sabi.

"Meet my father-in-law, Luke, Franco Navarro."

Nanlaki ang mga mata ng lalaki at galit na hinarap si Billie. "Kasama mo siya mula kanina?"

"Billie Rose is married to my son, Mr. Wendell," sagot ni Franco sa amused na tono. "Neither me and my son will allow you to take Billie anywhere. Magpipiyesta ang mga reporter sa sandaling lumabas kayo sa hotel na ito na kayo lang dalawa."

Kitang-kita ni Billie ang pamumula ni Luke sa galit. Alam niyang nabigo man ito sa inaasahan mula sa kanya ay gusto pa rin ng lalaking kahit siya mismo ay magdaan sa kamay nito. She smiled bitterly. Damn men!

"Goodbye, Mr. Wendell," ani Franco. Halos padabog na tumayo ang lalaki at sandali lang tinitigan si Billie bago walang lingong umalis. Niyuko ni Franco ang manugang at inakbayan. 

"Are you all right?"

"I was a fool," she sobbed.

"Sshh... lahat tayo ay naloloko, Billie. Sa iba't ibang paraan. Now, get hold of yourself and let's go dancing."

She forced a smile through misty eyes.