iL Mio Dolce Amante [COMPLETED/UNDER REVISION]

Chapter 22

Rebellion. (Ribellione)

Lumipas ang mga araw at kahit papaano ay nagagawa kong ngumiti at makalimutan ang malamig na pakikitungo sa'kin ni Señorito Primo sa tulong ng araw-araw na pagbisita sa'kin ni Nana Lina dito sa mansion katulad na lang ngayon na nagkataon naman na nandito rin ngayong araw ang kaibigan kong si Zendy na galing maynila.

"Tama ba ang ginagawa ko, Bella?"

Tanong ni Nana Lina habang dinidikdik ng pino ang buto ng cacao na ibinilad namin sa araw para gawing tsokolate.

"Opo, pero konting dikdik pa po."

Aniya ko habang isinasalin naman sa mangkok ang mga nadikdik kong buto ng cacao.

Habang naka sitting pretty lang si Zendy na pinapanood lang ang ginagawa namin at kinukutkot ang kanyang kuko. Pumasok naman si nanay Carlotta dito sa kusina na galing sa lutuan habang may dala itong juice at bibingka.

"Mag merienda muna kayo."

Alok ni nanay Carlotta bago niya lagyan ng bibingka ang maliit na platito.

"Finally! May pagkain na."

Aniya ni Zendy na kinuha agad ang bibingkang inilagay ni nanay Carlotta para sana sa'kin.

"Pagkain lang talaga ang hinihintay mo." Biro ko at sinimangutan naman ako ni Zendy.

"Hindi naman po kase ako maalam kung paano gumawa ng tsokolate!"

Aniya sa'kin ni Zendy  na sunod-sunod na ang pagkagat sa bibingkang hawak niya.

"Puro ka kain kaya ka nananaba."

Aniya ko at mabilis namang binitawan ni Zendy ang bibingka sabay tingin sa buong katawan niya lalo na sa braso nito.

"Talaga? Hala! Ayokong tumaba!"

Napailing na lang kami nina nanay Carlotta dahil kumuha pa ng isang hiwa ng bibingka itong si Zendy.

Ayaw palang tumaba ah.

Magiliw naming nilantakan ni Nana Lina ang bibingka na ginawa ni nanay Carlotta lalo't paborito namin ito. Saglit lang kaming natigilan dahil sa pagpasok ni Señorito Primo dito sa kusina.

"Hijo, halika sabayan mo kaming kumain."

Nakangiting alok ni Nana Lina kay Señorito Primo na tumango lang bago buksan ang double refrigerator.

"Suplado po 'yan!" Pabulong na saad ni Zendy pero sapat na para marinig namin.

Ngayon ko lang ulit siya nakita ngayong araw. Kahit nasa loob kami ng iisang bubong ay malimit na lang kami kung magkita dahil madalas ay nasa Azìenda Agrìcola ako kasama si Nana Lina at nasa construction site naman siya. Hindi na rin siya sumasabay sa amin na kumain kaya hinahatiran na lang ito ni nanay Carlotta sa kanyang kwarto dahil daw sa pagiging sobrang abala nito sa construction site at sa mga dokumentong inaasikaso nito na may kinalaman daw sa pagiging konseho niya sa palasyo ng Roma Infinite Palace ayon naman kay Señor Freigo.

"May kasintahan kana ba, Bella?"

Nilingon ko si Nana Lina na seryoso sa kanyang tanong.

"Naku! Wala pang kasintahan iyan."

Si nanay Carlotta ang sumagot na sinasadyang laksan ang boses para marinig ni Señorito Primo na may hinahanap yatang soda can sa loob ng double refrigerator na hilig niya.

"Huh? Bakit naman wala pa? Sa gandang mong dalaga, imposibleng wala."

Aniya ni Nana Lina at sasagot na sana ako pero inunahan na naman ako ni nanay Carlotta.