Unicode
မိမိလက်ကိုပါ ဆွဲချသွားသော ချန်းယောလ်ကြောင့် ဘတ်ဟျွန်းခမျာ
တစ်ခါတည်း ချန်းယောလ် ရင်ဘတ်ဘတ်ပေါ် ပြိုလဲ ကျလျှက်
ပါသွားတော့သည် ......
ပြီးတော့ သူ့ရင်ဘတ်ပေါ်မှ ဘတ်ဟျွန်းကို ဖက်လည်း ဖက်ထားလိုက်သေး၏ .....
ဘတ်ဟျွန်း ခမျာ ထဖို့ ကြိုးစားရာက ဖက်ထားသော လက်တွေ
ကြောင့် အခက်တွေ့လျှက် တအင်းအင်းတအဲအဲ ဖြစ်နေရှာသည် ...
သူ့နေရာမှာ မိန်းကလေးသာဆို ဥက္ကဌကြီး တစ်ခါတည်း ပါးရိုက်
ခံရလောက်ပြီ ဟု ဘတ်ဟျွန်း တွေးလိုက်မိ၏ ....
ကြည့်ပါဦး ... တစ်ခါတည်း ကုတင်ပေါ် ဆွဲချသွားပြီး ပိုင်စိုးပိုင်နင်း
ဖက်ထားလိုက်တာက သူ့ရည်းစား ကျနေတာပဲ ....
မသောက်နိုင်မှန်းသိရင်လည်း အစကတည်းက ကိုယ့်ကိုယ်ကို
ထိန်းပါတော့လား ... ဒီအရွယ်ကြီး ကျမှ အသည်းကွဲပြီး မူးရတယ်လို့ .....
ဥက္ကဌကြီး အဖြစ်က တကယ် ရယ်ရအခက် သနားရအခက်ပဲ .....
ဘတ်ဟျွန်းသည် အမူးသမား ဖက်ထားခံရသည့် အခြေအနေတွင်
ခက်ခက်ခဲခဲ ရုန်းကန်နေရသည့် ကြားမှ အသံထွက်ကာ တစ်ချက်ရယ်မိသွားသည် ....
' ဥက္ကဌကြီး ... လွှတ်ပါဦးဗျာ ...
ကျွန်တော်က ဥက္ကဌကြီးရည်းစားမဟုတ်ဘူးဆ်ိုနေမှပဲ ...
လူမှားနေပြီနော် .... လွှတ် လွှတ် '
ဘတ်ဟျွန်းအသံက အမှန်တကယ်ပင် ရယ်သံစွတ်၍ ရွှင်မြူးရိပ်များ
သန်းနေ၏ .....
အမူးသမားက အိပ်ပျော်နေလောက်ပြီဆိုပေမယ့် တစ်ယောက်တည်း
စနောက်ချင်နေသည် ......
' ဟင့်အင်းးးးးးးးး '
အိပ်ပျော်နေပြီဟု ထင်သော သူဆီမှာ သံရှည်ဆွဲရင်းငြင်းသံကြီး
ထွက်လာတော့ ဘတ်ဟျွန်း ကြောင်တောင်လေးနှင့် မျက်နှာကို
ကြည့်မိတော့ မျက်လုံးတွေက မပွင့်သေး ........
' မင်းက ငါ့ .. အင်းးးးးးး ....
ငါ့ရည်းစားပဲ '
' ဟား ဟား ... တကယ်ပဲ '
အရက်မူးမူးနဲ့ လူကို အတင်း သူ့ရည်းစား လုပ်ခိုင်းနေသော
ဥက္ကဌကြီးကို ဘတ်ဟျွန်း အသည်းယားစွာ နားကားကားတွေကို
ဆွဲပစ်လိုက်တော့၏ .....
ငရဲကြီးလည်း ကြီးပါစေတော့ .... ချစ်စရာကြီးကို .....
