PROMISE ME|| 윤민 [Completed]

5💕U&Z

သာယာလှပတဲ့ ပင်လယ်ကြီးရဲ့အနီး သဲသောင်ပြင်ပေါ်မှာ လက်ချင်းတွဲပြီးလမ်းလျှောက်နေတဲ့ အတွဲလေးတစ်တွဲ ရှိနေခဲ့သည်။ သူတို့ကိုကြည့်လိုက်ရင် အရမ်းကိုပျော်ရွှင်နေကြသည့် အတွဲလေးဟုထင်နိုင်ပေမယ့် တကယ်တမ်းကတော့ ကောင်လေးရဲ့လက်ကိုတွဲထားတဲ့ ကောင်မလေး တိတိကျကျပြောရရင် ကောင်မလေးယောင်ဆောင်ထားတဲ့ ကောင်လေးရဲ့ရင်ထဲမှာ စိုးရိမ်ပူပန်မှုတွေနဲ့ တင်းကြပ်လေးလံနေလေတယ်။

"ကိုယ်တို့မနက်ဖြန်ပြန်ကြရတော့မှာဆိုတော့.... အမှတ်တရ ဓာတ်ပုံလေးရိုက်ကြရအောင်နော်"

ဟုတ်ပေသည် သူတို့မနက်ဖြန်ကျရင် ဆိုးလ်ကိုပြန်ကြရတော့မည်။ ပြန်ရောက်ရင် ဘယ်လိုနှစ်ပါးသွားရဦးမလဲဟု တွေးပူနေရတာကြောင့် ဂျီမင် မပျော်နိုင်ဖြစ်နေရခြင်းဖြစ်သည်။ မျက်နှာပျက်နေသည်ကို ယွန်းဂီသိသွားမည်စိုးတာကြောင့် ပျော်ချင်ယောင် ဟန်ဆောင်နေရသည်။ကမ်းခြေတစ်လျှောက်လုံး လှတဲ့နေရာလေးတွေတိုင်းမှာ သူတို့မှတ်တမ်းတင် ဓာတ်ပုံရိုက်ကူးခဲ့ကြသည်။

အခန်းကိုပြန်ရောက်တော့ မနက်ဖြန်ပြန်ဖို့အတွက် ကြိုပြီး သိမ်းဆည်းစရာရှိတာကို သိမ်းဆည်းခဲ့ကြသည်။

"မနက်ဖြန် ဂျီအာတို့အိမ်အရင်ဝင်ပြီးမှ..... ကိုယ်တို့နှစ်ယောက်အတွက် ပြင်ထားတဲ့အိမ်ကိုပြန်ကြတာပေါ့...."

"ဟင်.....အဲ့အိမ်မှာလိုက်နေရမှာလား"

"ဟုတ်တယ်လေ.....ဂျီအာရဲ့ ကိုယ်တို့အတွက်အခန်းတွေတောင်ပြင်ပေးပြီးသွားပြီ..."

"ဂျီအာတို့အိမ်မှာပဲနေလို့မရဘူးလား....ယွန်းဂီရယ်"

ဂျီမင်ရဲ့စကားကြောင့် ယွန်းဂီ စိတ်ရှုပ်သွားပုံရသည်။ယွန်းဂီတို့အိမ်မှာ စိတ်ကျဉ်းကြပ်စွာနေရမည်ဖြစ်တာကြောင့် ဂျီမင်အိမ်မှာပဲနေရန်စိတ်ကူးထားခြင်းဖြစ်သည်။

"ကိုယ်တို့အိမ်နဲ့ဂျီအာတို့အိမ်.....သိပ်ဝေးတာမှမဟုတ်တာ...ဂျီအာအိမ်ပြန်ချင်တဲ့အချိန်ဆိုကိုယ် လိုက်ပို့ပေးမှာပေါ့...."

"ဂျီအာအိမ်နဲ့ခွဲဖို့အဆင်သင့်မဖြစ်သေးလို့ပါ.... ယွန်းဂီရယ် ပြီးတော့...အမေ့ဆီကနေ အိမ်မှုကိစ္စတွေသင်ချင်သေးတယ်... ဂျီအာ အိမ်ထောင်ရေးနိုင်နင်းပြီဆိုတဲ့.... အချိန်လောက်မှ ယွန်းဂီတို့အိမ်မှာနေကြမယ်လေနော်...."