ကောင်းထက်က ဘုရားတလျက် အဖေနှင့်အတူ ခြံထဲသို့ ထွက်လာခဲ့သည်။ အရင်တစ်ခါဖျားတုန်းက အကိုလွန်းမာန်က ကူညီပေးဖူးသည်ဆိုတော့ အဖေက အမြင်ကြည်သွားပုံပင်။ အခုလည်း ခြံရှေ့ထိ အတူလိုက်လာပေးသည်။ အကိုလွန်းမာန်က အဖေ့ကိုတိုင်မလို့လားမသိပေ။ ဖြစ်လာမယ့်အခြေအနေတွေကို တွေးမိတော့ မျက်ရည်ဝဲချင်ချင်။ အဖေတော့ စိတ်ဆိုးတော့မှာပဲ။
“သား ဝေလွန်း ဘာလို့အပြင်မှာစောင့်နေတာလဲ”
“အာ ဦးလေး”
လွန်းမာန်က ဆိုင်ကယ်ပေါ် ဖင်တင်ရုံမျှ ထိုင်ထားရာကနေ မတ်တပ်ရပ်လိုက်သည်။ ဘေးမှာပါလာသည့် တိုက်ပုံကိုကြည့်တော့ ခေါင်းငုံ့ထားလေရဲ့။ ချစ်စရာလေး။
ချစ်ရသူဆီမှ လွန်းမာန်အကြည့်လွှဲ၍ တိုက်ပုံအဖေဘက်လှည့်ကာ......
“ဟို ကျွန်တော်တို့အတန်းက မြန်မာစာကဗျာဆွေးနွေးရမှာလေ တစ်ဖွဲ့ကိုတစ်ပုဒ်နှုန်းနဲ့ ကျွန်တော်က ခေါင်းဆောင်ကျတယ်၊ ဒါပေမယ့် စကားပြေမပြန်တတ်တော့ အခက်တွေ့နေလို့ အဲ့တာ တိုက်...အဟမ်း ကောင်းထက်ကို အကူအညီလာတောင်းတာ၊ ဝင်ရနိုးမဝင်ရနိုးနဲ့ စဉ်းစားနေတာ အခုထိပဲ”
ခဲဆွဲထားသော ကောင်းထက်စိတ်သည် ယခုမှ ကင်းလွတ်ခွင့်ရသလို ဟူးခနဲ လေမှုတ်ထုတ်လိုက်မိသည်။ အကိုလွန်းမာန်က လာတိုင်တာ မဟုတ်ဘူးဘဲ။
“ဒါများ လာ လာ သား အထဲဝင်ခဲ့”
“ဟုတ်ကဲ့”
နှစ်ယောက်သား လူကြီးနောက်ကနေ အသာလိုက်ပါရသည်။ ဘေးကယှဉ်လိုက်လာသော တိုက်ပုံကို စောင်းငဲ့ကြည့်တော့ မျက်နှာငုံ့ထားသည်မှာ မြေကြီးထဲနစ်ဝင်မတတ်။ ကြည့်နေတုန်းပင် တိုက်ပုံက သူ့မျက်မှန်ကို လက်ညိုးနဲ့ပင့်လိုက်သည်ကြောင့် လွန်းမာန်ပြုံးမိရသေးသည်။
အရှက်ကြီးသူလေးက ရှက်နေလေပြီ။ အူယားလာသဖြင့် စိတ်မထိန်းနိုင်တော့ဘဲ တိုက်ပုံပါးပေါ် လက်ညိုးနဲ့အသာထိတော့ နစ်ဝင်သွားတာ ပေါက်စီလေးအတိုင်း။ အလန့်တကြား မော့ကြည့်လာသည့် တိုက်ပုံမျက်နှာလေး။ မကြောက်စေရန်ရယ်ပြမိကာ နှာခေါင်းထိပ်လုံးလေးကိုပါ လက်ညိုးနဲ့ တစ်ချက်ပွတ်ဆွဲလိုက်တော့ ရှေ့တည့်တည့်လှည့်သွားကာ သူ့ပါးနှစ်ဖက်ကို လက်ဖဝါးနဲ့အုပ်ပြန်သည်။ လွန်းမာန် ရယ်လိုက်မိပြန်ပါသည်။
