Lunar Academy: School For The Hunters

37. Fooled

Walang nakagawang maka-react sa mga tao sa stadium sa nasaksihan. Hindi ko lubos maisipan ang nararamdaman ngayon ni August lalo na't nasa harapan niya lamang ang lalaking naging sentro ng atensyon ngayon.

Hindi rin nagtagal ay tuluyan ng nawala ang malalaking lilang apoy at bumalik ang mga ito kay Helix. Nilamon nito ang naunang puting apoy na sumunog sa kaniya.

Pare-pareho naming hinanda ang mga sarili namin sa susunod na mangyayari. Bakas na sa mukha ni August na nawalan na siya ng lakas na muling lumaban pa.

Hindi ko siya masisisi. Kung ako lang din ang makakita ng gano'ng gift ay manliliit ako sa sarili ko.

Akmang magtataas na ng kamay si August upang sumuko nang unahan ito ni Helix.

Tila napaawang ang mga bibig namin sa ginawa niya. Rinig ang pagsinghap ng mga nanonood. Lalo na si August na literal na napanganga sa inakto ng kalaban.

Nakangising nagtaas ng kamay si Helix. Medyo namumutla at malalim ang mga mata, pero hindi nawawala ang kisig sa mukha.

"Hays, I give up!"

Tumagal ng ilang segundo bago naproseso ng mga tao ang sinabi nito. Kani-kaniya sila ng reaksyon sa sinabi niya. Pero nangingibabaw ang kay August na sinugod si Helix at kinuwelyuhan siya.

"B-Brat! Are you freaking mocking me?! Ginagawa mo ba akong tanga?!" giit niya.

Hindi inalintana ni Helix ang sinabi niya, bagkus ay hindi pa rin nawawala ang ngisi niya sa labi.

"Jeez, don't touch me. My girl is watching."

Mas lalong napaawang ang bibig ni August sa sinagot nito. Namumula na siya sa galit. Akmang sasampalin niya na sana si Helix nang nagsalita ulit ito.

"I don't have any powers left, miss. To be honest, sa oras na bitawan mo 'ko ay hindi ko na sigurado kaya pang tumayo," seryosong sambit ng lalaking kaharap niya.

I knew that there was something wrong after he used the violet fire...

Natigilan si August sa sinabi niya. Natauhan siya rito at dahan-dahang binitawan ang kwelyo ni Helix.

Muntik ng matumba si Helix nang ginawa iyon ni August pero nagawa pa rin nitong makatayo.

"Hehe, I'm sorry. I really wanted to fight with you more. Pero hindi ko pa kayang controlin mabuti ang ability na ginamit ko. Naubos tuloy ang lakas ko," natatawang ani ni Helix.

Nang natauhan ang announcer ay agad nitong in-announce na nanalo si August dahil sa pagkusa ni Helix sa pagkakatalo. Pagtapos n'on ay dumating ang iilang myembro ng Deities upang alalayan si Helix sa pagbalik sa upuan nila.

Tila napako ang tingin ko sa isang babaeng kasama sa pagtulong kay Helix. A girl with a brown hair and fair skin. Hindi ko alam kung bakit iba ang naramdaman ko nang magtama ang tingin namin.

As if I'm looking at... Helena and Law.

Hindi rin nagpahuli si Zeldrick at kasama si Lemon ay pinuntahan rin ng mga ito si August upang alalayan na bumalik.

Hindi nawala ang tingin ko sa babaeng taga-Deities at natauhan na lamang ako nang dumating na sa pwesto namin sina August. Doon ko napansin kung gaano kalala ang natamo niyang pinsala sa laban nila ni Helix.

"Bwisit! Bakit ba kasi walang medics man lang dito?!" naiinis na sambit ni Zeldrick.

Nagawa pa ring tumawa ni August sa sinabi niya at pilit nitong tinatago ang sakit. "O-Okay lang ako."

Napaismid ako sa sinagot niya. Kahit saan ko tignan ay alam kong hindi siya okay.

Tumayo ako sa pagkakaupo at tinulak ko papalayo si Zeldrick upang umupo sa pwesto nito.